فرانس میں حجاب پر پابندی بین الاقوامی قوانین کی خلاف ورزی:اقوام متحدہ

?️ 4 اگست 2022

سچ خبریں:اقوام متحدہ کا کہنا ہے کہ فرانس نے مسلمانوں کے حجاب پہننے کے حق کو نظر انداز کرکے شہری اور سیاسی حقوق کے بین الاقوامی معاہدے کی خلاف ورزی کی ہے۔
اقوام متحدہ کی ایک کمیٹی کے مطابق فرانس نے ایک ہائی اسکول میں منعقدہ بالغ تعلیم کے کورس کے دوران ایک خاتون کے حجاب پہننے پر پابندی لگا کر شہری اور سیاسی حقوق کے بین الاقوامی معاہدے کی خلاف ورزی کی ہے۔

فرانس نیوز ایجنسی کی رپورٹ کے مطابق اس سلسلہ میں مدعی کے وکیل سیفن گیز گیز نے کہا کہ یہ ایک اہم فیصلہ ہے جس سے ظاہر ہوتا ہے کہ فرانس کو انسانی حقوق کے میدان میں، خاص طور پر مذہبی اقلیتوں اور خاص طور پر مسلم کمیونٹی کے احترام کے میدان میں کوششیں کرنی چاہئے۔

اقوام متحدہ کی انسانی حقوق کمیٹی نے کہا ہے کہ شکایت کنندہ پر یہ پابندی عائد کی گئی کہ وہ ہیڈ اسکارف پہن کر کلاس میں نہیں جاسکتیں جو ایک ایسی پابندی ہے جو شہری اور سیاسی آزادیوں کے بین الاقوامی معاہدے کی خلاف ورزی کرتی ہے نیز مذہبی آزادی کو متاثر کرتی ہے۔

کمیٹی نے مزید کہا کہ اپنے مذہب کو ظاہر کرنے کی آزادی میں مخصوص لباس یا سرڈھکنا شامل ہے، اس لیے اس بات پر زور دیا گیا ہے کہ پابندی کسی کے مذہب کے اظہار کے حق کے آزادانہ استعمال کے قانون کی خلاف ورزی ہے۔