غزہ جنگ کے آغاز سے اب تک یمن نے کتنے بحری اور جنگی جہازوں کو نشانہ بنایا ہے؟

🗓️ 16 مارچ 2024

سچ خبریں: یمن کی انصار اللہ کے سربراہ نے اس بات پر زور دیا کہ طوفان الاقصیٰ جنگ کے آغاز سے اب تک ہم نے 73 بحری اور جنگی جہازوں کو نشانہ بنایا ہے۔

الجزیرہ نیوز چینل کی رپورٹ کے مطابق یمن کے انصار اللہ گروپ کے سربراہ عبدالملک الحوثی نے اپنے ایک خطاب میں غزہ کے خلاف صیہونی حکومت کی جنگ اور جارحیت کا ذکر کرتے ہوئے تاکید کی ہے کہ غاصب غزہ میں نسل کشی اور انتہائی گھناؤنے جرائم کا ارتکاب کررہے ہیں۔

یہ بھی پڑھیں: کیا عالمی طاقتیں یمنی افواج کا مقابلہ کرنے میں کامیاب ہوئی ہیں؟صیہونی اخبار کی رپورٹ

انصار اللہ گروپ کے سربراہ نے مزید کہا کہ غزہ کے شہداء صرف تعداد نہیں ہیں، وہ ضائع ہونے والی جانیں، زخمی اور تباہ شدہ لوگوں کے مصائب ہیں، غزہ کی پٹی میں 160ویں روز بھی صیہونیوں کے جرائم جاری ہیں اور یہ جنگ ہر لحاظ سے نسل کشی ہے۔

انہوں نے کہا کہ غزہ میں پیاس کی وجہ سے ممکنہ جانوں کے ضیاع کے بارے میں بیانات اور خبریں سن کر شرم سے سر جھک جاتا ہے۔ غزہ میں شہیدوں اور زخمیوں ، جن میں زیادہ تعداد بچوں اور خواتین کی ہے، تہذیب کے دعویدار اور حقوق کا نعرہ لگانے والوں کے لیے عالمی شرم کا باعث ہے اور یہ عالمی برادری کے لیے ایک ذلت ہے۔

عبدالملک الحوثی نے مزید کہا کہ صیہونی دشمن امریکیوں اور مغربی اور عرب ممالک کی شراکت سے صدی کے جرم کا ارتکاب کر رہا ہے، امریکہ جارحیت کے خاتمے کو روکنے اور محاصرے کے تسلسل کی کوشش کر کے غزہ میں جرائم میں اپنا حصہ بڑھا رہا ہے جبکہ مسلمانوں خصوصاً عربوں کی اکثریت کی خاموشی اور غفلت غزہ کی پٹی میں فلسطینی عوام کے خلاف صدی کے جرائم میں اہم کردار ادا کرتی ہے۔

انصار اللہ گروپ کے سربراہ نے یہ بھی کہا کہ امریکی غزہ میں نسل کشی جاری رکھنے اور کراسنگ کو بند کرنے پر اصرار کرتے ہیں جبکہ واشنگٹن جارحیت کو روکنے اور محاصرہ ختم کرنے کے فلسطینیوں کے حق کو نظرانداز کرنے کی کوشش کر رہا ہے۔

انہوں نے کہا کہ غزہ میں، امریکی دھوکے سے کام کر رہے ہیں، نہ تو زمینی گزرگاہوں کو مکمل طور پر کھول رہے ہیں اور نہ ہی حقیقی بندرگاہیں یا سمندری گزرگاہیں شامل کر رہے ہیں جن کے ذریعے ضروری سامان گزرتا ہے،امریکی فضائی امدادی کارروائیاں غزہ کی ضروریات کا صرف ایک چھوٹا سا حصہ پورا کرتی ہیں۔

انہوں نے مزید کہا کہ درحقیقت امریکیوں نے غزہ میں جرائم کے مسئلے کو غزہ کی پٹی کے لوگوں کے لیے کافی خوراک اور ادویات لانے کی ضرورت سے بہت کم امداد فراہم کرنے کے لیے دوسرے آپشنز میں تبدیل کر دیا کہ یہ امدادیں بھی بھوک سے ہونے والی اموات کو نہیں روک سکتیں۔

امریکہ کی طرف سے غزہ کی ناکہ بندی کو نظرانداز کرنا فلسطینی عوام کے خلاف جارحیت کا حصہ ہے، امریکہ محدود امداد کے بدلے غزہ کے لوگوں کو مارنے کے لیے ٹنوں کی صورت میں بم فراہم کرتا ہے۔

الحوثی نے مزید کہا کہ اسلامی ممالک میں تنہا اسلامی جمہوریہ ایران نے پوری فلسطینی قوم کے دفاع میں غزہ کے مجاہدین کی مدد کی، اگر مسلمان سنجیدگی سے مزاحمت کی حمایت کرتے تو غزہ کی جنگ کی تصویر مختلف ہوتی۔

امریکیوں اور مغربی ممالک کو غزہ میں اپنے نسل کشی کے جرم کی تکمیل کے لیے صیہونی دشمن کو ہتھیار فراہم کرنے میں کوئی شرم نہیں۔

اس کے علاوہ بعض عرب حکومتیں نہ صرف مزاحمت کے خلاف کام کرتی ہیں بلکہ اسے مسخ کرنے کی کوشش بھی کرتی ہیں، عرب ممالک مزاحمت کو مجرم بنانے کی کوشش کر رہے ہیں اور اب بھی کچھ لوگوں کو مزاحمت کی حمایت کرنے پر گرفتار کر رہے ہیں۔

یمن کی انصار اللہ کے سربراہ نے بھی اس بات پر زور دیا کہ طوفان الاقصیٰ جنگ کے آغاز سے اب تک ہم نے 73 بحری جہازوں اور جنگی جہازوں کو نشانہ بنایا ہے اور ہماری کارروائیاں طاقت کے ساتھ جاری رہیں گی۔

عبدالملک الحوثی نے کہا کہ اس ہفتے ہم نے فلسطینی قوم اور غزہ کی حمایت میں اپنی کارروائیوں کے دوران 12 بحری جہازوں کو نشانہ بنایا۔

انہوں نے مزید کہا کہ خدا کے فضل اور مدد سے ہم صہیونی دشمن سے متعلق بحری جہازوں کو بحر ہند اور جنوبی افریقہ سے کیپ آف گڈ ہوپ تک جانے سے روک رہے ہیں۔

الحوثی نے کہا کہ یہ ایک اہم، جدید اور بڑا قدم ہے اور ہم نے بحر ہند اور جنوبی افریقہ میں کیپ آف گڈ ہوپ کی طرف اپنی کارروائیاں شروع کر دی ہیں۔

مزید پڑھیں: یمن کب تک غزہ کی حمایت جاری رکھے گا؟

یمن کی انصار اللہ کے سربراہ نے اس بات پر زور دیا کہ ہم صیہونی حکومت سے متعلق جہازوں کو بحر ہند کے راستے جنوبی افریقہ سے ملحقہ راستے پر مقبوضہ علاقوں کی طرف جانے کی اجازت نہیں دیتے

عبدالمالک الحوثی نے کہا کہ امریکہ چاہے کچھ بھی کرے، وہ ہمیں غزہ میں فلسطینی عوام کی حمایت سے نہیں روک سکتا۔