عراقی فوج کے ہاتھوں موصل میں داعش کا سربراہ گرفتار

?️ 22 مارچ 2022

سچ خبریں:عراقی فوج نے اس ملک کے صوبہ نینوا کے شہر موصل میں ایک کارروائی کے دوران داعش کے خطرناک اور مطلوب سرغنہ کی شناخت کر کے اسے گرفتار کر لیا۔
سومریہ نیوز کی رپورٹ کے مطابق عراقی فوج کی جانب سے اس ملک کے مختلف حصوں میں انسداد دہشت گردی کی کارروائیوں کا سلسلہ جاری ہے جس کے سلسلہ میں عراقی فورسز نے صوبہ نینوا میں نیا آپریشن شروع کر دیا ہے۔

رپورٹ کے مطابق عراقی فوج کا انسداد دہشت گردی پر مبنی تازہ ترین آپریشن صوبہ نینوا کے شہر موصل میں ہوا جہاں عراقی فورسز نے آپریشن کے دوران داعش کے ایک خطرناک سرغنہ کی شناخت کر کے اسے گرفتار کر لیا۔

اس حوالے سے نینوا آپریشنز کمانڈ نے ایک بیان جاری کیا جس میں کہا گیا ہے کہ نینوا میں سیکیورٹی فورسز کے آپریشن کے دوران گرفتار ہونے والے تکفیری عنصر کے خلاف پہلے بھی بڑی تعداد میں دہشت گردی کی کارروائیوں میں ملوث ہونے کے الزامات میں مقدمہ چلایا جا چکا ہے۔

دریں اثناء عراقی سیکورٹی فورسز نے کل ملک کے بعض صوبوں میں الگ الگ کارروائیاں کیں جس کے نتیجہ میں عراقی فورسز انبار اور نینوا میں داعش کے پانچ دیگر تکفیری عناصر کو پکڑنے میں کامیاب ہو گئیں۔