طالبان کی صیہونی ذرائع ابلاغ کو انٹرویو دینےکی تردید

?️ 18 اگست 2021

سچ خبریں:طالبان کے رکن سہیل شاہین کے صیہونی نیوز چینل کو دیے جانے والے ایک انٹرویو کی اشاعت کے بعد انھوں نے کہا کہ وہ نہیں جانتے تھے کہ انٹرویو لینے والی خاتون صیہونی رپورٹر ہیں۔
افغانستان کی فارس نیوز ایجنسی کی ویب سائٹ کے مطابق طالبان وفد کے ترجمان اور سینئر رکن سہیل شاہین نے صہیونی چینل کی رپورٹر سے بات کرنے کی تردید کرتے ہوئے ٹویٹ کیا کہ طالبان کے افغانستان اور کابل کے صوبائی دارالحکومتوں کا کنٹرول سنبھالنے کے بعد میں ہر روز بہت زیادہ صحافیوں کو انٹرویودیتا ہوں، کچھ صحافی اپنے آپ کو مختلف نام سے متعارف کروا سکتے ہیں،تاہم میں نے کسی اسے صحافی کو انٹرویونہیں دیا ہے جو اپنے آپ کو بطور اسرائیلی میڈیا آؤٹ لیٹ متعارف کروائے۔

دریں اثناء میڈیا نے اطلاع دی کہ ایک بے مثال واقعے میں اسرائیلی نیوز چینل کان 11 کی رپورٹر روعی کیص نے طالبان کے ترجمان سہیل شاہین سے انٹرویو لیا،اس ٹیلی فون انٹرویو میں شاہین نے 20 سال کی جنگ کے بعد افغانستان کی تازہ ترین صورتحال اور طالبان کے ملکی اور بین الاقوامی طرز عمل کو بیان کیا اور اقلیتوں کے حقوق کے تحفظ کے لیےاس گروپ کے عزم کو بیان کیا۔

انہوں نے پڑوسیوں بالخصوص ایران کے ساتھ تعلقات کو وسعت دینے کی ضرورت پر بھی زور دیا ،صیہونی چینل کان 11 کی رپورٹر کے حماس طالبان تعلقات کے بارے میں سوال کے جواب میں ، شاہین نے دونوں فریقوں کے درمیان کسی بھی قسم کےتعلق کے وجود سے انکار کرتے ہوئے صرف طالبان کے اقتدار میں آنے کےبعد حماس کے رہنماؤں کی جانب سے آنے والے مبارکباد کے پیغام کا شکریہ کیا۔

واضح رہے کہ کسی اسرائیلی میڈیا کے ساتھ طالبان کے کسی رکن کا یہ پہلا انٹرویو تھا،تاہم موجودہ انٹرویو میں اہم نکتہ یہ ہے کہ صحافی اسرائیلی شناخت کا ذکر نہیں کرتی بلکہ چینل کے بارے میں شاہین کے سوال کے جواب میں محض چینل کے عبرانی نام کان کا حوالہ دیتی ہے۔