صیہونی حکام کو اپنے فوجیوں کی کتنی فکر ہے؟ حماس نے پول کھول دی

?️ 14 جنوری 2024

سچ خبریں: القسام فورسز نے غزہ میں 10 سال پہلے پکڑے گئے 4 صیہونی فوجیوں کی اسیری کا ذکر کرتے ہوئے ایک معنی خیز ویڈیو میں مقبوضہ علاقوں کے باشندوں سے کہا ہے کہ تمہارے حکمرانوں کے لیے تمہاری کوئی اہمیت نہیں ہے۔

غزہ میں اسلامی مزاحمتی تحریک حماس کی عسکری شاخ عزالدین القسام بٹالینز نے غزہ میں قید 4 صیہونی فوجیوں کو ایک ویڈیو جاری کرتے ہوئے صیہونی باشندیوں کو یاد دلایا ہے کہ تمہارے حکمرانوں کو تمہارے قیدیوں کے انجام کی کوئی پرواہ نہیں ہے۔

یہ بھی پڑھیں: صیہونی حکام کا اپنے قیدیوں کو واپس لینے سے انکار!

مرکزاطلاعات فلسطین کے مطابق القسام بٹالینز نے اپنے ویڈیو پیغام میں غزہ میں موجود 4 اسرائیلی فوجیوں (ہدار، ارون، عمر، میگنیسٹو) کی طرف اشارہ کیا جنہیں ان بٹالینز نے 10 سال سے اسیر کر رکھا ہے، انہوں نے کہا ہے کہ وقت ختم ہوتا جا رہا ہے لیکن صیہونی وزیر اعظم بنیامین نیتن یاہو کی کابینہ ابھی تک ان کی واپسی سے لاتعلق ہے اور اس نے ان کی رہائی کے لیے نہ اب تک کوئی کوشش کی ہے اور نہ ہی آئندہ کرے گی۔

مزید پڑھیں: صیہونی حکام اپنی فوجی ہلاکتوں کو کیوں چھپاتے ہیں؟

القسام نے اعلان کیا کہ ان مجاہدین سے ان کا رابطہ منقطع ہو گیا، جو 2014 سے ان 4 فوجیوں کی حفاظت پر مامور تھے۔

القسام کا پیغام کچھ اس طرح ہے:

10 سال گزر گئے۔
کیا آپ کو یہ یاد ہیں؟
ہدار… ارون… عمر… میگنیسٹو
نیتن یاہو کی کابینہ 2014 سے آپ کے بچوں کو بھولی ہوئی ہے اور انہیں واپس نہیں لایا گیا۔

بدقسمتی سے، گروپ سے رابطہ منقطع ہوگیا۔
07/10/2023
ابھی رابطہ کرنا ہمارے ہاتھ میں ہے۔
چاہے ماضی میں اور چاہیے اس وقت نیتن یاہو اور ان کی کابینہ ایک بار پھر آپ کے بچوں اور پیاروں کی واپسی سے لاتعلق ہیں۔
یاد رکھنا… وقت ختم ہو رہا ہے۔