آنے والا مالی سال قوم کے لئے اچھا اور صحت والا سال ہوگا۔

?️ 29 مئی 2021

کراچی(سچ خبریں) وزیراعلیٰ سندھ مراد علی شاہ کی زیر صدارت سالانہ ترقیاتی پروگرام سےمتعلق اجلاس ہوا۔ اجلاس میں وزیراعلیٰ سندھ نے مختلف محکموں کی اسکیموں کا جائزہ لیا اجلاس میں وزیر اعلی سندھ نے کہا کہ آنے والا مالی سال قوم کے لئے اچھا اور صحت والا سال ہوگا۔

اجلاس میں وزیراعلیٰ سندھ کو بریفنگ دی گئی کہ ایس اینڈ جی اے ڈی کی 23 ، انڈسٹریز کی 2، ایس ٹی ای وی ٹی اے کی 9اسکیمیں جاری ہیں، وومین ڈولپمنٹ کی 2، ثقافت کی 5 اسکیمیں جاری ہیں جب کہ محکمہ داخلہ 14 ، محکمہ قانون 8، ماس ٹرانزٹ 6 اور لائیو اسٹاک کی 5 جاری اسکیمز جاری ہیں۔

وزیر اعلیٰ سندھ نے کہا کہ جن اسکیموں پر 50 فیصد خرچ ہوچکا ہے انکو نئے سال میں مکمل کرنا ہے، ہم زیادہ تر نئی اسکیمیں شروع کریں گے جو ایک ہی سال میں مکمل ہوجائیں، جن نئی اسکیمز کی لاگت زیادہ ہوگی ان کو اگلے 2 سال میں مکمل کریں گے

مراد علی شاہ نے ہدایت کی کہ تمام محکمے اپنی جاری اسکیموں کو رواں سال مکمل کریں، نئے مالی سال میں یہ اسکیمیں مکمل کی جائیں۔

وزیراعلیٰ سندھ نے کہا کہ نئے مالی سال کا ترقیاتی پروگرام عوام کی ضروریات کے مطابق ہوگا، غربت کا خاتمہ، خواتین کی فلاح، کمیونٹی ڈولپمنٹ نئے سال کے بجٹ میں ترجیح پر ہوں گی، نیا مالی سال میں عوام صحت کا سال ہوگا جس میں وبا پر ضابطے کا منصوبہ ہوگا۔