شہباز شریف کے دور میں سعودی عرب کی پاکستان میں پہلی سرمایہ کاری

?️ 26 اگست 2022

سچ خبریں:سعودی عرب کے فرمانروا سلمان بن عبدالعزیز نے پاکستان میں اربوں ڈالر کی سرمایہ کاری کا حکم جاری کیا، جسے پاکستان اور اس کے عوام کے لیے سعودی عرب کی حمایت کہا جاتا ہے۔

سعودی عرب کی سرکاری خبر رساں ایجنسی نے اطلاع دی ہے کہ سعودی وزیر خارجہ فیصل بن فرحان نے پاکستان کے وزیر خارجہ بلاول بھٹو زرداری کو ٹیلی فون پر اس فیصلے سے آگاہ کیا، دونوں ممالک کے وزرائے خارجہ نے دوطرفہ تعلقات کو مضبوط بنانے اور مشترکہ اہمیت کے متعدد امور پر تبادلہ خیال کیا۔ شہباز شریف کے بطور وزیر اعظم پاکستان میں اقتدار سنبھالنے کے بعد یہ پاکستان میں پہلی باضابطہ سعودی سرمایہ کاری ہے۔

یاد رہے کہ رواں سال 9 مئی کو پاکستان کی مخلوط حکومت کے وزیر اعظم شہباز شریف موجودہ حکومت کے قیام کے بعد اپنے پہلے غیر ملکی دورے پر سعودی عرب گئے تھے جہاں انہوں سعودی ولی عہد محمد بن سلمان سے ملاقات کی ، وزیراعظم بننے کے دو ہفتے بعد شریف نے سعودی عرب کا دورہ کیا جہاں انہوں نے سعودی ولی عہد محمد بن سلمان سے ملاقات کی اور تعلقات کو مزید تعاون کی طرف آگے بڑھانے کی خواہش پر زور دیا۔

واضح رہے کہ پاکستان اس وقت شدید مالی بحران کا شکار ہے اور بین الاقوامی مالیاتی فنڈ سے قرض لینے کی کوشش کر رہا ہے جبکہ سعودی عرب اور پاکستان کے درمیان تاریخی تعلقات اور بہت ساری شراکت داریاں ہیں خاص طور پر سلامتی، دفاع اور معیشت کے میدان میں۔