شام میں امریکی فوجی اڈوں پر حملے میں متعدد فوجی زخمی

?️ 26 اگست 2022

سچ خبریں:شامی اور امریکی ذرائع نے اطلاع دی ہے کہ شام کے شہر دیر الزور میں امریکی اڈوں پر ہونے والے حملے کے دوران متعدد امریکی فوجی زخمی ہوئے ہیں۔

شام کے صوبۂ دیر الزور کے مقامی ذرائع نے خبر رساں ایجنسی سانا کو بتایا کہ اس شہر میں کونیکو اور العمر کے آئل فیلڈز میں امریکی قابضین کے فوجی اڈے کو راکٹ حملوں کا نشانہ بنایا گیا جس کے نتیجہ میں متعدد امریکی فوجی زخمی ہوئے۔

اس کے علاوہ امریکی NBS نیوز نے بھی اطلاع دی ہے کہ صوبہ دیر الزور میں ان کے اڈوں پر میزائل حملے میں متعدد امریکی فوجی زخمی ہوئے ہیں، درایں اثنا المیادین نیوز چینل نے بدھ کی شام شام میں امریکی فوجی اڈے پر راکٹ حملے کی اطلاع دی، اس رپورٹ کے مطابق المیادین نیوز چینل نے اپنے ذرائع کے حوالے سے اطلاع دی کہ دیر الزور کے شمال مشرق میں واقع کونیکو گیس فیلڈ میں موجود امریکی اتحاد کے اڈے پر تین راکٹ گرے۔

المیادین نے دیر الزور کے مضافات کے آسمان میں امریکی کے جنگی طیاروں اور ہیلی کاپٹروں کی بڑی مقدار میں پرواز کا بھی اعلان کیا، اسی دوران بعض ذرائع نے اطلاع دی کہ شمالی شام میں العمر آئل فیلڈ میں امریکی فوجی اڈے کو نشانہ بنایا گیا، شامی خبر رساں ایجنسی نے بھی دیرالزور میں واقع العمر اور کونیکو فلیڈز میں دو امریکی فوجی اڈوں پر راکٹ حملے کی تصدیق کی۔