شام میں امریکیوں کی داعش کی ایک اور خدمت

🗓️ 8 اپریل 2021

سچ خبریں:امریکی فورسز نے شمال مشرقی شام کی ایک جیل سے داعش کے 50 کارکنوں کو شام میں تیل کی سب سے بڑی فیلڈ میں منتقل کردیا ہے۔

العالم نیوز چینل کی رپورٹ کے مطابق شامی باخبرذرائع نے آج (جمعرات کو) اس ملک کے صوبہ دیر الزور کے علاقے میں واقع العمر آئل فیلڈ میں داعش کے 50 عناصر کی منتقلی کی اطلاع دی ہے، ذرائع نے العالم کو بتایاکہ امریکی افواج نے شام کے صوبہ الحسکہ میں واقع اپنے غیر قانونی اڈے الشدادی کی جیل سے 50 داعشی دہشت گردوں کو صوبہ دیر الزور میں واقع العمر آئیل فیلڈ میں منتقل کردیا۔

ذرائع نے بتایا کہ امریکی افواج کے اس اقدام کا مقصد داعشی عناصر کو ‘جیش العشائر’نامی تنظیم کے ساتھ جوڑنا ہے جس کی نگرانی شام میں اتحادی فوج کررہی ہیں ،یادرہے کہ یہ رپورٹ ایسے وقت میں منظر عام پر آئی جبکہ شام کی سرکاری خبر رساں ایجنسی کے ذریعہ ایک ہفتہ قبل دی جانے والی اطلاع کے مطابق امریکی قابض فورسز نے داعش کے درجنوں دہشت گردوں کو الحسکہ کے مشرق میں واقع کے ان غیر قانونی اڈے الشدادی پر منتقل کیا تھا۔

واضح رہے کہ سیاسی مبصرین کا کہنا ہے کہ شام میں قابض امریکی افواج صوبہ الحسکہ کے مضافاتی علاقوں میں کچھ دہشت گرد گروہوں کی تربیت کی نگرانی کر رہی ہیں ، خاص طور پر شام،عراق اور اردنی سرحد کے قریب واقع التنف کے علاقے میں،جن میں جیش مغاویر الثوره اور اسود الشرقیہ کا نام لیا جاسکتا ہے۔

یادرہے کہ امریکہ اس ملک میں داعش کا مقابلہ کرنے کے بہانے غیر قانونی طور پر داخل ہوا تھا تاہم ایسے متعدد شواہد او رثبوت موجود ہیں کہ اس نے یہاں نہ صرف یہ کہ داعش کا مقابلہ نہیں کیا بلکہ ان کے لیے سہولت کار کے فرائض انجام دیے ہیں کیونکہ اس کا مقصد اس ملک کے تیل کے ذخائر کو لوٹنا تھا جو وہ آج تک لوٹ رہا ہے۔