کیپیٹل مارکیٹ کو ماحولیاتی پائیداری کیلئے متحرک بنانے کی منصوبہ بندی کا فیصلہ

?️

اسلام آباد: (سچ خبریں) وفاقی حکومت نے کیپیٹل مارکیٹ کو ماحولیاتی پائیداری کے لیے متحرک بنانے کی منصوبہ بندی کرنے کا فیصلہ کرلیا۔

ڈان نیوز کے مطابق وزارت خزانہ نے پائیدار سرمایہ کاری سکوک فریم ورک تیار کرلیا ہے، ذرائع کے مطابق وزارت موسمیاتی تبدیلی اور متعلقہ اسٹیک ہولڈرز کی مشاورت سے فریم ورک تیار کیا گیا ہے، وزارت خزانہ نے سکوک فریم ورک کی سمری کابینہ ڈویژن کو ارسال کر دی ہے۔

ذرائع نے ڈان نیوز کو بتایا کہ وفاقی کابینہ سے سمری کی منظوری لی جائے گی، گرین، سوشل اور پائیدار سکوک کے ذریعے ملکی مارکیٹ سے سرمایہ کاری اکٹھی کی جائے گی، منصوبہ پائیدار ترقی کے اہداف اور قومی ماحولیاتی وعدوں سے ہم آہنگ ہوگا۔

بتایا گیا ہے کہ یہ فریم ورک بینک الحبیب، میزان بینک، بینک اسلامی اور دبئی اسلامی بینک کی مشاورت سے تشکیل دیا گیا، حاصل شدہ فنڈز ماحولیاتی اور سماجی منصوبوں پر خرچ کیے جائیں گے، منصوبوں کے انتخاب اور شفاف رپورٹنگ کے لیے جامع طریقہ کار وضع کیا گیا ہے، جس کا آزادانہ جائزہ لے کر فریم ورک کی پائیداری سے ہم آہنگی کو یقینی بنایا جائے گا۔

قومی و بین الاقوامی پائیداری کے اہداف کے مطابق فنڈز کا مؤثر استعمال یقینی بنایا جائے گا، قابلِ تجدید توانائی، پانی کے انتظام، ماحولیاتی تبدیلی اور بنیادی ڈھانچے کے منصوبوں کے لیے فنڈنگ استعمال ہوگی۔

فریم ورک سے روایتی قرضوں سے ہٹ کر متبادل مالیاتی ذرائع پیدا کرنے میں مدد ملے گی، فریم ورک پاکستان کے پائیدار ترقی کے اہداف اور ماحولیاتی لچک میں معاون ثابت ہوگا۔

فریم ورک کے تحت ملکی مارکیٹ سے فنڈز اکٹھا کرنے کا منصوبہ بنایا گیا ہے، فریم ورک کے مطابق فنڈز اکٹھا کرنے کی خواہش، منصوبے کے حجم اور مؤثر ہونے پر رقم کا انحصار ہوگا، وزارت قانون و انصاف نے فریم ورک کی توثیق کر دی ہے۔

مشہور خبریں۔

جیل میں بیٹھے قیدی کو نہیں معلوم پاکستان ترقی کی منازل طے کرچکا ہے۔ مریم نواز

?️ 21 ستمبر 2025سرگودھا (سچ خبریں) وزیراعلی پنجاب مریم نواز نے بانی پی ٹی آئی

ٹرمپ کے متضاد بیانات پر روس کا ردعمل

?️ 9 جولائی 2025 سچ خبریں:روسی سلامتی کونسل کے نائب سربراہ دیمیتری مدودف نے کہا

کورونا وائرس اور پاکستان پر سفری پابندیاں

?️ 25 اپریل 2021(سچ خبریں) کورونا وائرس نے دنیا بھر میں قہر مچا رکھا ہے

غزہ کی تعمیرِ نو کے لیے خلیجی ممالک کی انوکھی شرط؛ صیہونی میڈیا کا انکشاف

?️ 19 اکتوبر 2025سچ خبریں:صیہونی میڈیا نے انکشاف کیا ہے سعودی عرب، بحرین اور متحدہ

بلوچستان: ضلع دکی میں سیکیورٹی فورسز کا آپریشن، فتنہ الہندوستان کے 2 دہشتگرد ہلاک

?️ 29 جون 2025بلوچستان: (سچ خبریں) بلوچستان کے ضلع دکی میں سیکیورٹی فورسز کے آپریشن

موجودہ حالات کی وجہ سے لوگ دباؤ میں ہیں اُنہیں اچھی چیزیں پتا چلنی چاہئیں، چیف جسٹس

?️ 6 مئی 2025اسلام آباد: (سچ خبریں) چیف جسٹس یحییٰ آفریدی کا کہنا ہے کہ

فلسطینیوں نے سی این این کے رپورٹر سے کیا کہا؟

?️ 21 اکتوبر 2023سچ خبریں: سی این این کے خلاف فلسطین کی عوام کے غصے

بھارتی حکومت اقلیتوں اور کشمیریوں پر ظلم کررہی ہے: وزیر اعظم

?️ 13 دسمبر 2021لاہور(سچ خبریں) وزیراعظم عمران خان کا کہنا ہے کہ بھارتی حکومت اقلیتوں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے