سچ خبریں:شامی ذرائع نے اطلاع دی ہے کہاس ملک کے شمال مشرق کی ایک جیل میں داعشی قیدیوں نے بغاوت کی ہے۔
شامی ٹیلی ویژن نے آج (سنیچر) کو اطلاع دی ہے کہ داعشی قیدیوں نے شمالی شام کے صوبہ الحسکہ کے جنوب میں واقع الشدادی شہر کی کامب البلغار جیل میں بغاوت کر دی ہے،الاعلام الحربی المرکزی ویب سائٹ نے شامی ٹیلی ویژن کے حوالے سے بتایا ہے کہ اس جیل پر کرد ملیشیا جو "سیریئن ڈیموکریٹک فورسز” (کیو ایس ڈی) کے نام سے جانی جاتی ہے ،کے زیر کنٹرول ہے جسے امریکہ کی حمایت حاصل ہے، رپورٹ کے مطابق مقامی ذرائع نے اطلاع دی ہے کہ دہشت گردوں نے جیل میں موجود تمام سامان کو آگ لگا دی ،یادرہے کہ یہ ایک ایسی جیل ہے جہاں تقریبا 5000 5 ہزار دہشت گرد قید ہیں۔
رپورٹ میں یہ بھی کہا گیا ہے کہ داعش کو فرار ہونے سے روکنے کے لئے کیو ایس ڈی کے عسکریت پسندوں نے جیل کا گھیراؤ کر لیا ہے، المیادین نے اطلاع دی ہے کہ محاصرے کے وقت سے ہی امریکی ہیلی کاپٹر جیل کے اوپر اڑ رہے ہیں، اس سلسلے میں المیادین چینل نے مقامی شامی ذرائع کے حوالے سے اطلاع دی ہے کہ گذشتہ سال کے آخری تین مہینوں میں امریکیوں نے داعش کے درجنوں قیدیوں کو الشدادی اور الحسکہ جیلوں سے التنف ضلع 55 میں منتقل کیا اور انھیں شامی فوج کے ٹھکانوں پر حملے کرنے کے لیے استعمال کیا۔
واضح رہے کہ امریکہ جو داعش کا خاتمہ کرنے کے بہانے شام میں آیا تھا لیکن در اصل وہ اس ملک میں دہشتگردوں کے لیے سہولت کاری کے فرائض نبھانے کے لیے اور یہاں کا تیل لوٹ کر اسرائیل پہنچانے کے لیے آیا تھا،امریکہ آج تک اس ملک میں دہشت گردوں کی ہر ممکن مدد کررہاہے یہاں تک کہ اپنے کیمپوں میں انھیں تربیت دے رہا ہے نیز اسلحہ بھی فراہم کر رہا ہے تاکہ خطہ میں اپنی غیر قانونی موجودگی کو جواز فراہم کر سکے۔
