سعودی اور اماراتی ولی عہدوں کا خطے کی صورتحال پر تبادلۂ خیال

?️ 8 دسمبر 2021

سچ خبریں:سعودی ولی عہد شہزادہ محمد بن سلمان اور ابوظہبی کے ولی عہد محمد بن زائد نے دو طرفہ تعلقات اور علاقائی اور بین الاقوامی صورتحال پر تبادلہ خیال کیا۔
سعودی اور اماراتی میڈیا کے مطابق بن سلمان عمان کے اپنے دورے کے اختتام پر منگل کو مسقط سے متحدہ عرب امارات کے دارالحکومت ابوظہبی پہنچے جہاں انہوں نے متحدہ عرب امارات اور سعودی عرب کے درمیان دوطرفہ تعاون کے طریقوں اور مواقع نیزدوستانہ تعلقات پر بات چیت کی،اس کے علاوہ انھوں نے مختلف شعبوں میں تعلقات کی ترقی کے ساتھ ساتھ علاقائی اور بین الاقوامی مسائل پر تبادلہ خیال کیا۔

اس ملاقات میں دونوں ملکوں کے درمیان اسٹریٹجک تعاون اور خلیج فارس تعاون کونسل نیز عرب ممالک کے مشترکہ اقدامات کو فعال کرنے کی اہمیت اور متعدد علاقائی اور بین الاقوامی مسائل اور معاملات کا بھی جائزہ لیا گیا، دونوں فریقوں نے ترقی اور پیشرفت کے ایک اہم ستون کے طور پر علاقائی استحکام کو مضبوط بنانے کے لیے کام کرنے کی ضرورت پر بھی زور دیا۔

یادرہے کہ سعودی ولی عہد نے جی سی سی سربراہی اجلاس جس کی میزبانی اس ماہ ان کے ملک میں ہونے والی ہے ،سے قبل پیر کو گلف کوآپریشن کونسل (جی سی سی) کا دورہ شروع کیا، سعودی میڈیا نے پہلے بتایا تھا کہ محمد بن سلمان عمان، بحرین، قطر، متحدہ عرب امارات اور کویت کا دورہ کریں گے تاکہ دو طرفہ تعلقات اور خطے میں پیش آنے والی صورتحال پر تبادلہ خیال کیا جا سکے، سعودی میڈیا کے مطابق سعودی ولی عہد خلیج فارس کے عرب ممالک کا پانچ روزہ دورہ کریں گے۔