اقوام متحدہ میں افغانستان کی نشست سابق نمائندے کو دیے جانے پر طالبان کا ردعمل

?️ 8 دسمبر 2021

سچ خبریں:طالبان نے اقوام متحدہ میں افغان حکومت کے سابق نمائندے غلام اسحاقوزی کو اقوام متحدہ میں افغانستان کی نشست کی منتقلی کو غیر منصفانہ قرار دیا اور فیصلے پر نظر ثانی کا مطالبہ کیا۔
اقوام متحدہ کی جنرل اسمبلی نے کل طالبان کو افغانستان کی نشست کی منتقلی کے التوا پر اس تنظیم کی ایکریڈیٹیشن کمیٹی کی جانب سے منظوری کی توثیق کی اور اس طرح سابق افغان حکومت کے نمائندے غلام اسحاق زئی اس نشست پر برقرار رہیں گے، جس کے بعد طالبان کی وزارت خارجہ کے ترجمان عبدالقہار بلخی نے منگل کو ٹویٹ کیا کہ طالبان افغانستان کے حکمران کی حیثیت سے اقوام متحدہ میں اس ملک کے لوگوں کی نمائندگی کا حق رکھتے ہیں۔

انہوں نے مزید کہاکہ افغانستان کی کرسی ایک ایسے شخص کے ہاتھ میں دی گئی ہے جس کا مرکز سے کوئی تعلق نہیں اور یہ اقدام افغان عوام کے جائز حقوق سے دستبردار ی ہے، درایں اثنا افغان میڈیا نے آج (منگل) کو روئٹرز نیوز ایجنسی کے حوالے سے بتایا کہ اقوام متحدہ کی جنرل اسمبلی نے کل افغانستان اور میانمار کی حکومتوں کے بارے میں ایک قرارداد جاری کی جس کے مطابق محمد اشرف غنی کی قیادت میں سابق افغان حکومت کے نمائندے غلام اسحاق زئی افغانستان کے نمائندے کے طور پر خدمات انجام دیتے رہیں گے۔

واضح رہے کہ اقوام متحدہ میں سابق افغان حکومت کے ایلچی غلام اسحاق زئی نے اقوام متحدہ کے فیصلے کے جواب میں ٹویٹر پر لکھا کہ افغانستان کا قومی ترنگا جھنڈا ہمیشہ اقوام متحدہ کے ہیڈ کوارٹر میں لہرایا جائے گا،ادھر طالبان کی وزارت اطلاعات و ثقافت کے ترجمان احمد اللہ واثق نے ٹویٹ کیا کہ اقوام متحدہ نے افغانستان کی نشست ایک ایسے شخص کو سونپ دی ہے جو ملک کی نمائندگی نہیں کرتالہذا یہ فیصلہ غیر منصفانہ ہے۔