حرمین شریفین صہیونیوں کے لیے حلال، فلسطینیوں کے لیے حرام!

?️ 5 اپریل 2022

سچ خبریں:تل ابیب میں واقع "بنی براک” کے علاقے میں شہید "ضیا حمارشہ” کے مزاحمتی آپریشن کے بعد فلسطینی خواتین نے مسجد نبوی میں مٹھائیاں تقسیم کیں اور اس آپریشن پر خوشی کا اظہار کیا،اس اقدام نے سعودی ولی عہد کے پروپیگنڈے کے ساتھیوں اور کارندوں پر غم و غصے طاری کر دیا، اور انہوں نے ہیش ٹیگ ٹویٹ کیا کہ فلسطینی خواتین نے مسجد النبی کی بے حرمتی کی۔
سعودی سائبر آرمی نے سوشل میڈیا پر فلسطینی خواتین پر حملہ کرتے ہوئے دعویٰ کیا ہے کہ اس آپریشن میں معصوم اسرائیلی شہریوں کو نشانہ بنایا گیا اور اس لیے یہ ایک دہشت گردانہ کارروائی تھی۔، انہوں نے ان خواتین کی گرفتاری ، ان کے خلاف مقدمہ دائرکیے جانے نیز ان کی ملک بدری کا مطالبہ کیا ہے۔

ان میں سے بعض سعودی صارفین نے یہاں تک کہا کہ یہ ثابت ہوا کہ فلسطینی قوم اور اس کی حکومت دشمن ہیں، خدا ہمیں ان سے محفوظ رکھے اور ان کی سازشوں کو ناکام بنائے۔

اس کے برعکس ٹویٹر کے کچھ دوسرے صارفین نے سعودی شاہی خاندان کے ذریعے چلائے جانے والے جعلی صارف اکاؤنٹس کے جال میں پھنسنے کے خلاف خبردار کیا ہے اور اس بات پر زور دیتے ہوئے کہا ہے کہ فلسطین مخالف تمام ہیش ٹیگ اور تبصرے سعودی عوام نہیں کرتے بلکہ سعودی سائبر فوجیں کرتی ہیں اس لیے کہ سعودی ولی عہد محمد بن سلمان امریکہ اور صہیونی لابی کی حمایت کر کے تخت پر بیٹھنے کا خواب پورا کرنے کی امید رکھتے ہیں۔

واضح رہے کہ سعودی ولی عہد محمد بن سلمان فلسطینیوں کے خلاف توہین آمیز بیان بازی کرکے مسئلہ فلسطین کو سعودی عوام کے ذہنوں سے مٹانے کی بھرپور کوشش کر رہے ہیں یہاں تک کہ یہ دشمنی اس حد تک پہنچ گئی ہے کہ بن سلمان کے حمایت یافتہ بعض کرائے کے غنڈوں نے مسجد اقصیٰ کے تقدس پر بھی سوال اٹھانے کی کوشش کی ہے۔