سچ خبریں:حزب اللہ سے وابستہ الوفا للمقاومه دھڑے کے سربراہ نے زور دے کر کہا کہ لبنانی عوام کے دیوالیہ ہونے کی وجہ امریکی توسیع پسندی ہے۔
النشرہ نیوز چینل کی رپورٹ کے مطابق الوفا للمقاومه دھڑے کے سربراہ محمد رعد نے اس بات پر زور دیا کہ لبنان کو آزاد اور خودمختار ہونا چاہیے نیز اس ملک کے لوگوں کو عزت کے ساتھ جینا چاہیے نہ کہ امریکہ کو تاوان دیا جانا چاہیے۔
النشرہ نیوز ویب سائٹ نے حزب اللہ تحریک کے نمائندے کے حوالے سے خبر دی ہے کہ کوئی بھی لبنانی عوام کو مجبور کر کے ان پر اپنی مرضی مسلط نہیں کر سکتا اور نہ ہی ان کے فیصلے کر سکتا ہے، انہوں نے کہا کہ جس چیز نے لبنانی عوام کو دیوالیہ کیا اور انہیں حالیہ معاشی اور مالیاتی بحران میں جھونک دیا وہ امریکی تسلط ہے جو مزاحمت کا محاصرہ کرنا چاہتا ہے لیکن ناکام رہا ہے۔
اس نے لبنان کے عوام کو گھیرنے کی کوشش کی لیکن ناکام رہا،انہوں نے اپنی بات جاری رکھتے ہوئے کہا کہ جب امریکہ لبنانی عوام اور مزاحمتی تحریک کے محاصرے میں ناکام ہوا تو اس نے حکومتی اداروں کی طرف رجوع کیا جو محاصرے کو برداشت نہیں کر سکتے تھے اور اس کی وجہ سے وہ تباہ ہو کر ہماری عوام اور لبنانی مزاحمتی تحریک پر بوجھ بن گئے۔