امریکہ کے نزدیک انسانی جانوں کی کوئی قدر نہیں:شامی عہدیدار

🗓️ 13 فروری 2023

سچ خبریں:شامی صدر کی مشیر نے اس ملک کے زلزلہ زدگان کی امداد کی اجازت دینے کے بارے میں واشنگٹن کے دعووں کو جھوٹا قرار دیا۔

شامی صدر کی مشیر بثینہ شعبان نے رشیا ٹو ڈے کو انٹرویو دیتے ہوئے کہا کہ امریکہ اور دیگر مغربی ممالک انسانی جانوں کی قدر نہیں کرتے اور شام میں انسانی امور کے بارے میں ان کے تمام دعوے جھوٹے ہیں، انہوں نے کہا کہ اگر وہ سچ کہہ رہے ہیں تو انہیں فوری اور غیر مشروط طور پر جابرانہ اقتصادی پابندیوں کو ہٹانا چاہیے اور غلط مقاصد کے ساتھ گمراہ کن موقف اختیار کرنا بند کرناچاہیے۔

بثینہ شعبان نے اس بات کی طرف اشارہ کرتے ہوئے کہ شام میں اس زلزلے کی وجہ سے بہت سے لوگ متاثر اور زخمی ہوئے ہیں نیز مکانات کے گرنے اور تباہ ہونے کی وجہ سے حالات مشکل ہیں، مزید کہا کہ جو چیز صورتحال کو مزید خراب کرتی ہے وہ امریکہ اور یورپ کے اقدامات اور پابندیاں ہیں جو شام کو ملبے تلے دبے لوگوں کی مدد کرنے سے روکتی ہیں۔

انہوں نے کہا کہ امریکیوں کا یہ دعویٰ کہ انہوں نے شام کو انسانی امداد کی اجازت دی ہے، یہ جھوٹ کے سوا کچھ نہیں اور غلط ہے،شعبان نے تاکید کی کہ امریکہ شامی قوم کے خلاف جرم کر رہا ہے،وہ ممالک کو شام کے ساتھ تعاون کرنے سے روک رہا ،ہمارے پاس ملبے تلے دبے ہوئے لوگوں کو بچانے کے لیے اوزار نہیں ، شام امریکہ پر بھروسہ نہیں کرتا اس لیے کہ اس کے تمام دعوے حقیقت سے دور ہیں۔

شامی صدر کی مشیر نے کہا کہ یورپی ممالک نے زلزلہ میں شام کی مدد نہیں کی اور بہت سے مغربی ممالک ان ممالک میں رہنے والے شامی باشندوں کو زلزلہ زدگان کی مدد کرنے کی اجازت نہیں دے رہے۔

انہوں نے واضح کیا کہ واشنگٹن شام کے شمال اور مشرق پر قبضہ جاری رکھے ہوئے ہے اور غیر قانونی اقدامات کے علاوہ تیل، گیس اور اناج کی چوری کر رہا ہے ،ہمارے سرزمین سے روزانہ درجنوں ٹینکرز اور ٹرک شمالی عراق میں امریکی اڈوں پر بھیجے جاتے ہیں،یہ کیسے ممکن ہے کہ اقوام متحدہ کا رکن اور اخلاقیات کا دعویدار نیز انسانیت کا محافظ دن دیہاڑے ہمارا تیل چوری کرے۔