القسام کا زمینی جنگ کے بارے میں اہم بیان

?️ 30 اکتوبر 2023

سچ خبریں: عزالدین القسام بریگیڈز کے ترجمان نے دشمن کی مبینہ فوجی اور انٹیلی جنس برتری کا وقت ختم ہونے کی طرف اشارہ کرتے ہوئے کہا کہ صیہونیوں کی شکست کا دور شروع ہو گیا ہے۔

تحریک حماس کی عسکری شاخ عزالدین القسام بریگیڈز کے ترجمان ابو عبیدہ نے کہا کہ 7 اکتوبر (طوفان اقصیٰ آپریشن کے آغاز کے دن) کو دشمن کے مضبوط قلعے مکڑی کے جال کی طرح بکھر گئے اور ہمیں فتح ہوئی۔

یہ بھی پڑھیں: غزہ میں قدم رکھا تو موت تمہارا مقدر ہو گی:القسام برگیڈ کا صیہونیوں کو انتباہ

انہوں نے یہ بیان کرتے ہوئے کہ رہائشی عمارتوں اور اسپتالوں کو نشانہ بنانا نہایت سفاکیت اور بے شرمی ہے، تاکید کی کہ زمینی جنگ میں ہم دشمن کو طاقت اور قربانی کے معنی سکھانے کے منتظر ہیں جہاں ہم دشمن پر شکست مسلط کریں گے۔

سماء خبررساں ایجنسی کے مطابق القسام کے ترجمان نے اس بات کی طرف اشارہ کرتے ہوئے کہ دشمن کی مبینہ فوجی اور انٹیلی جنس برتری کا وقت ختم ہو گیا ہے اور صیہونی شکست کا دور شروع ہو گیا ہے، مزید کہا کہ ہم عرب حکمرانوں سے نہیں کہتے کہ وہ غزہ کے بچوں یا مقدس مقامات دفاع کے لیے اپنی فوجیں بھیجیں کیونکہ اسرائیل کو تباہ کرنا ہماری ذمہ داری ہے۔

انہوں نے اس بات پر تاکید کرتے ہوئے کہ فلسطینی قوم کے قتل عام کا سبب دشمن کی ناکامیاں ہیں، واضح کیا کہ دشمن نے قیدیوں کے تبادلے سے متعلق حالیہ مذاکرات میں بہت وقت ضائع کیا جبکہ اس کی وحشیانہ بمباری سے ان میں سے 50 قیدی ہلاک ہوچکے ہیں۔

مزید پڑھیں: حماس کے عسکری وِنگ القسام بریگیڈ نے صہیونی ریاست کو شدید دھمکی دے دی

یہ بیان کرتے ہوئے کہ ناقابل تسخیر فوج اور مرکاوا ٹینکوں کے جھوٹ کے بارے میں دنیا کو وہم بیچنے کا وقت ختم ہو گیا ہے، ابو عبیدہ نے کہا کہ ہم نے اس ٹینک کو غزہ میں تباہ کر دیا۔

انہوں نے اس بات کی طرف اشارہ کرتے ہوئے کہ اسرائیلی جیلوں میں قید تمام فلسطینی قیدیوں کو صیہونی دشمن کے قیدیوں کے بدلے آزاد کیا جانا ضروری ہے، کہا کہ فتح یقینی طور پر ہماری ہے۔