افغانستان میں پچھلے چوبیس گھنٹوں میں دسیوں طالبان ہلاک

?️ 4 جولائی 2021

سچ خبریں:افغانستان کی وزارت دفاع نے آج ایک بیان میں اعلان کیا ہے کہ پچھلے 24 گھنٹوں کے دوران اس ملک کے نو صوبوں میں 344 طالبان ارکان ہلاک اور زخمی ہوئے ہیں۔
آوا نیوز ایجنسی کی رپورٹ کے مطابق افغانستان کی وزارت دفاع نے ایک بیان میں اعلان کیاہے گذشتہ 24 گھنٹوں کے دوران طالبان عسکریت پسندوں کے خلاف افغان مسلح افواج کی کاروائیوں (ہوائی اور زمین) میں اس گروپ کے 228 ارکان مارے گئے۔

افغان وزارت دفاع کے مطابق یہ کاروائیاں ننگرہار ، پکتیکا ، لوگر ، غزنی ، وردک ، قندھار ، ہرات ، بلخ ، ہلمند اور تخار نو صوبوں میں کی گئیں، بیان کے مطابق افغان فوج اور پولیس فورسز کی کاروائیوں میں 116 طالبان ارکان زخمی ہوئے۔

بیان میں مزید کہا گیا ہےکہ ان صوبوں میں بڑی تعداد میں طالبان کی جانب سے نصب کردہ بارودی سرنگیں بھی دریافت کی گئی نیز اس گروپ سے وابستہ بھاری مقدار میں اسلحہ اور گولہ بارود کو تباہ کردیا گیا ہے۔

واضح رہے کہ ایک طرف افغانستان میں امن و استحکام کے لئے کوششیں جاری ہیں اور دوسری طرف ملک کے مختلف حصوں میں سکیورٹی فورسز اور طالبان کے مابین جھڑپوں میں شدت پیدا ہوگئی ہے، ایک طرف قطری دارالحکومت دوحہ میں بین الافغان مذاکرات کا ایک نیا دور جاری ہے اور دوسری طرف افغانستان میں سکیورٹی فورسز کے ساتھ طالبان کا تصادم ہوا ہے۔

قابل ذکر ہے کہ افغانستان سے امریکی دہشت گردوں کی زیرقیادت غیر ملکی قبضہ کاروں کی واپسی کے آغاز کے ساتھ ہی ، واشنگٹن اس ملک میں بڑھتے ہوئے عدم تحفظ کو بہانے کے طور پر استعمال کرنے کی کوشش کر رہا ہے۔