امریکی غاصبوں کے ہاتھوں شام کے تیل وسائل کی چوری کا سلسلہ جاری

?️ 4 جولائی 2021

سچ خبریں:شامی ذرائع نے اطلاع دی ہے کہ امریکی قابض افواج کے ہاتھوں اس ملک کے تیل کے وسائل چوری کرنے کا سلسلہ جاری ہے جس کے تحت اور ایک نئی کھیپ چوری کر کے عراق منتقل کی گئی ہے۔
شام کی سرکاری خبر رساں ایجنسی ساناکی رپورٹ کے مطابق قابض امریکی افواج کے ہاتھوں شامی تیل وسائل کو چوری کا سلسلہ جاری ہے، رپورٹ کے مطابق امریکیوں  نے غیر قانونی کراسنگ پوائنٹ الولید کے ذریعے شام کا تیل چوری کرکے ایک نئی کھیپ عراق پہنچائی ہے۔

یادرہے کہ شام کے السویدیہ گاؤں کے مقامی ذرائع نے اطلاع دی ہے کہ امریکی قابض فوج سے تعلق رکھنے والے اور چوری شدہ شام کا تیل لے جانے والے 37 ٹرک شامی جزیرے کےمضافاتی علاقے سے روانہ ہوئے اور غیر قانونی الولید عبورگاہ کے راستے عراق داخل ہوئے۔

قابل ذکر ہے کہ امریکہ داعش سے لڑنے کے بہانے شام میں داخل ہوا تھا جس کا اصل مقصد اس ملک کی قانونی حکومت کے خلاف لڑنے والے دہشتگردوں کی مدد کرنا اور اس ملک کے عوام کے تیل اور توانائی کے وسائل کو لوٹنا تھا اور سلسلہ آج تک جاری جبکہ شام کی حکومت متعدد بار امریکہ کو اپنے ملک سے چلے جانے کا کہہ چکی ہے تاہم امریکہ کو ٹس سے مس نہیں اور اس ملک کے قدرتی وسائل کو لوٹنے میں لگا ہوا ہے نیز اسی کے ساتھ ساتھ داعشی دہشتگردوں کو پھر سے سرگرم کرنے کی بھی کوشش کر رہا ہے تاکہ خطہ میں اپنی غیر قانونی موجودگی کا جواز فراہم کر سکے۔