اسرائیل کے خلاف ثقافتی اور تعلیمی بائیکاٹ کا سلسلہ جاری

?️ 17 دسمبر 2025

اسرائیل کے خلاف ثقافتی اور تعلیمی بائیکاٹ کا سلسلہ جاری

اسرائیلی روزنامہ ہاآرتص کی رپورٹ کے مطابق، غزہ میں انسانی جانی نقصان کے باوجود اسرائیل کے خلاف ثقافتی اور تعلیمی بائیکاٹ جاری ہے اور یہ عالمی سطح پر اسرائیل کے لیے ایک براہِ راست خطرہ بن چکا ہے۔

رپورٹ میں بتایا گیا ہے کہ بعض ممالک نے یوروویژن مقابلے میں حصہ نہ لے کر اسرائیل کے قتل عام کی مذمت کی، جبکہ دنیا بھر کے ایک ہزار سے زائد ادبی شخصیات نے اسرائیلی ثقافتی اداروں کو بائیکاٹ کرنے کا اعلان کیا ہے۔ موسیقی اور فلم کے شعبے میں بھی متعدد بین الاقوامی فنکار بائیکاٹ مہم کا حصہ بنے ہیں۔

تعلیمی میدان میں اسرائیلی جامعات کے خلاف بائیکاٹ کی کارروائیاں جاری ہیں، جن میں سائنسی مضامین کی اشاعت سے اجتناب، کانفرنسوں میں اسرائیلی محققین کو مدعو نہ کرنا اور سائنسی تعاون میں کمی شامل ہے۔

اسرائیلی میڈیا کے مطابق، یہ بائیکاٹ اسرائیل کی "نرم طاقت” کو کمزور کر رہا ہے اور سائنس، تعلیم اور جدت میں تعاون پر منفی اثر ڈال رہا ہے، جبکہ عالمی سطح پر اسرائیلی کھلاڑیوں کے خلاف بھی بائیکاٹ کے واقعات میں اضافہ ہو رہا ہے۔