اردنی پارلیمنٹ کا صیہونی سفیر کو ملک بدر کرنے کا مطالبہ

?️ 22 مارچ 2023

سچ خبریں:اردنی پارلیمنٹ کے فلسطینی کمیشن نے صیہونی سفیر کو ملک سے نکالنے کا مطالبہ کیا۔

اردنی ذرائع ابلاغ نے اعلان کیا ہے کہ اس ملک کی پارلیمنٹ کی فلسطینی پارلیمانی کمیٹی نے ایک بیان میں پیرس میں صیہونی وزیر خزانہ اسموٹریچ کے اس بیان کی شدید مذمت کی ہے جس میں انہوں نے صیہونی حکومت کا ایسا نقشہ دکھایا ہے جس میں اردن اور فلسطینی علاقے بھی شامل ہیں۔

اس بیان میں جسے اس کمیٹی کے سربراہ فیاض باسبوس نے پڑھا، انہوں نے تاکید کی کہ یہ کمیٹی صیہونی حکومت کے وزیر خزانہ کے الفاظ کی مذمت کرتی ہے۔

اس بیان میں اردن کے ساتھ طے پانے والے معاہدے کی تمام شقوں کی خلاف ورزی کرنے پر صیہونی حکومت کو سزا دینے کی اہمیت پر زور دیا گیا ہے اور مطالبہ کیا گیا ہے کہ صیہونی حکومت کے سفیر کو اردن کی سرزمین سے بے دخل کیا جائے اور اسرائیلی حکومت کے ساتھ کسی بھی قسم کے تعاون کو مسترد کیا جائے۔

قابل ذکر ہے کہ صیہونی حکومت کی انتہاپسند کابینہ اور اس کے فاشسٹ وزیروں کی وجہ سے عرب ممالک کو جال میں پھنسانے کی اس کی کوششیں رائگاں ہوتی نطر آرہی ہیں اس لیے کہ ہمیشہ سے صیہونیوں کے حق میں بولنے والی یا کم سے کم فلسطینیوں پر ہونے والے صیہونی مظالم پر خاموش رہنے والی عرب حکومتیں بھی اسرائیل کے خلاف بول رہی ہیں۔