سچ خبریں:مغربی کنارے میں فائرنگ کے ایک واقعہ میں ایک صیہونی ہلاک اور دو زخمی ہوئے۔
المنار ٹی وی چینل کی رپورٹ کے مطابق مقبوضہ مغربی کنارے میں واقع نابلس کے شمال مغرب میں ایک راستے میں ہونے والے فائرنگ کے ایک واقعہ میں 1 صیہونی مارا گیا جبکہ دو دیگر زخمی ہوئے۔
رپورٹ کے مطابق جمعرات کی رات کو نابلس سے جنین کے راستے میں واقع ’حومش‘ کالونی کے قریب ایک کار کے اندر سے فائرنگ ہوئی جس کے نتیجہ میں 1 صیہونی ہلاک اور 2 دیگر زخمی ہوئے، معا نیوز ایجنسی کے مطابق اس واقعے کے بعد صیہونی فوجیوں نے کار کی تلاش شروع کی۔
واضح رہے کہ حالیہ ہفتوں میں فلسطینیوں اور غاصب صیہونیوں کے درمیان جھڑپوں میں شدت آ گئی ہے اور گزشتہ ہفتوں میں جہاں صیہونیوں کی دہشتگردی بے لگام ہوتی دکھائی دی وہیں فلسطینیوں کی جانب سے بھی متعدد جوابی اقدامات کئے گئے جن میں شہادت پسندانہ کاروائیاں بھی شامل ہیں جہاں ایک پندرہ سالہ لڑکی نے بھی شہادت طلبانہ کاروائی کرتے ہوئے ایک صیہونی کو زخمی کر دیا جس کے جواب میں صیہونیوں نے نہایت ہی بربریت کا مظاہرہ کرتے ہوئے اسے ،اس کے والد، دوست یہاں تک کے جس اسکول میں وہ پڑھتی تھی اس کے پرنسپل کو بھی گرفتار کر لیا جبکہ فلسطینی مزاحمتی تحریک نے اس اقدام کا سراہنا کیا۔