یومِ آزادی پراداکاروں کی جانب سے  قوم کو مبارکباد

?️ 14 اگست 2021

کراچی (سچ خبریں) یومِ آزادی کے موقع پر پاکستانی اداکاروں نے بھی قوم کو آزادی کی مبارکبادی پیش کرتے ہوئے پیغامات شیئر کئے ہیں جن میں بعض نے تصاویر شیئر کی ہیں اور بعض اداکاروں نے ویڈیو کلیپ شیئر کی ہیں  اور جوش و جذبے کے ساتھ جشن ملی میں شریک پوری قوم کے ساتھ یکجہتی کا اظہار کیا ہے۔

اداکارہ عائزہ خان نے فوٹو اینڈویڈیو شیئرنگ ایپ انسٹاگرام پراپنے شوہر و اداکار دانش تیمور کے ساتھ یومِ آزادی کی مناسبت سے ہرے اورسفید رنگ کا لباس پہنےایک خوبصورت تصویر شیئر کی ہے۔انہوں نے یہ تصویر شیئر کرتے ہوئےسب کو یومِ آزادی کی مبارکباد دی ۔

اداکار ہمایوں سعید نے مائیکرو بلاگنگ ویب سائٹ ٹوئٹر پرآزادی کے 74 سال مکمل ہونے کے بارے میں ایک ویڈیو کلپ شیئرکرتے ہوئے آزادی کی مبارک باد دی ہے۔انہوں نے اپنے ٹوئٹ میں لکھا کہ ’یوم آزادی مبارک۔ اللہ ہمارے پیارے ملک اور اس کے لوگوں کو امن اور خوشحالی سے نوازے۔ ہم متحد رہتے ہوئے مشکلات کا مقابلہ کریں ، ہم اپنے ایمان پر ثابت قدم رہیں اور نظم و ضبط کے لیے کوشش کریں۔

اداکارہ زرنش خان نے اپنی انسٹا اسٹوری پر اپنی ایک ویڈیوشیئر کی ہے ، جس میں وہ یومِ آزادی کے حوالے سے ہرے اور سفید رنگ کا لباس پہنے گاڑی میں سفر کرتے نظر آرہی ہیں۔انہوں نے اس ویڈیو میں سب کو یومِ آزادی کی مبارکباد بھی دی۔اداکارہ سونیاحسین نے بھی اپنی انسٹا اسٹوری پر اپنی ایک ویڈیو شیئر کی ، ویڈیو میں اداکارہ نےسب کو یومِ آزادی کی مبارکباد پیش کی ہے۔