شلپا شیٹی کاصحت مند زندگی گزارنے کیلئے کیا مشورہ ہے؟

?️ 16 نومبر 2021

ممبئی (سچ خبریں) معروف بالی ووڈ اداکارہ شلپا شیٹی نے فوٹواینڈ ویڈیو شیئرنگ ایپ انسٹاگرام پر ورک آؤٹ کرتے ہوئے ایک ویڈیو شیئر کی ہے جس میں انہوں نے اپنے مداحوں کو صحت مند زندگی گزارنے کے لیے مفید مشورہ دیا ہے، ورزش کا معمولبے شک سادہ رکھیں لیکن اسے اہمیت دیں۔

انہوں نے یہ ویڈیو شیئر کرتے ہوئے لکھا کہ’آپ کی زندگی کے فیصلےہوں یا ورزش کا معمول اسے بے شک سادہ رکھیں لیکن اسے اہمیت دیں‘۔انہوں نے مزید لکھا کہ’جو چیز کسی دوسرے شخص کو محض عام سی لگتی ہے، وہ ایک نمایاں اور مؤثر ورزش کا معمول ہو سکتا ہے‘۔اداکارہ نے اپنی ورزش کے معمول کے بارے میں بتاتے ہوئے لکھا کہ ’ ڈیڈ کرل یقینی طور پر ان میں سے ایک ہے! ورزش کا یہ طریقہ کار جسم کے نچلےحصّے اور بازوؤں پر بہت اچھا اثر کرتا ہے‘۔

انہوں نے لکھا کہ ’اسےدل کی دھڑکن تیز کرنے کے لیے بھی استعمال کیا جاسکتا ہے‘۔انہوں نے مزید لکھا کہ’بھروسہ کریں، یہ بالکل کسی جادوکی طرح کام کرے گی‘۔اداکارہ نے اس ورزش کو کرنے کا طریقہ بتاتے ہوئے لکھا کہ’ آپ کو صرف 1 منٹ کےاندر 4 راؤنڈز کرنے ہیں، اور درمیان میں صرف 30 سیکنڈ کا وقفہ لینا ہے۔ انہوں نے ہنستے ہوئے لکھا کہ’ آپ یہ کرنے کے بعد خود سمجھ جائیں گے کہ ان کے کہنے کا کیا مطلب ہے‘۔