کورونا وائرس: مزید 114 افراد جان کی بازی ہار گئے

🗓️ 11 اپریل 2021

اسلام آباد(سچ خبریں)ملک بھر میں کورونا کی صورتحال کا اگر جائزہ لیا جائے تو اموات اور کیسز میں اضافہ ہی نظر آ رہا ہےاس دوران نیشنل کمانڈ اینڈ آپریشن سینٹرنےبتایا ہے کہ 1 روز میں مزید 114 افراد کرونا وائرس کے باعث انتقال کرگئے جبکہ 43 مریضوں کا انتقال وینٹیلیٹر پر ہوا۔

اتوار کو این سی او نے بتایا ہے کہ 24  گھنٹوں میں 5 ہزار 50 نئے کرونا کیسز رپورٹ ہوئے۔کرونا کیسز کی مثبت شرح 10.96 فیصد ہے۔پاکستان میں کرونا سےمجموعی اموات کی تعداد 15 ہزار 443 ہو گئی ہے۔سب سے زیادہ پنجاب میں 64 اموات، خیبرپختونخوا میں 32 اموات ہوئیں۔ سندھ 6،اسلام آباد 6،آزاد کشمیرمیں 4 اور بلوچستان میں 2 مریضوں کا کرونا وائرس کے باعث انتقال ہوا۔

این سی او سی کےمطابق گزشتہ 24 گھنٹوں کے دوران 46 ہزار 66 ٹیسٹ کئےگئے۔ملک میں کرونا کےفعال کیسزکی تعداد 73 ہزار 875 ہے۔کرونا سے صحت یاب ہونے والوں کی تعداد 6 لاکھ 31 ہزار 700 ہے جب کہ مجموعی کیسز کی تعداد 7 لاکھ 21 ہزار18 ہوگئی ہے۔پاکستان کے 630 اسپتالوں میں 4 ہزار 920 مریض کرونا وائرس کے باعث زیر علاج ہیں۔ ملتان میں 81 فیصد، لاہور 79، گجرانوالہ 88 اور اسلام آباد میں 57 فیصد وینٹیلیٹرز بھرچکے ہیں۔

دوسری جانب کورونا کی بگڑتی ہوئی صورت حال کے پیش نظر پنجاب حکومت نے رمضان المبارک 1442 ہجری کے لیے نئے ایس او پیز جاری کردیے۔ رپورٹ کے مطابق سیکریٹری محکمہ پرائمری اینڈ سیکنڈری ہلیتھ کیئر نے رمضان المبارک  میں مختلف پابندیاں عائد کرنے کا نوٹی فکیشن جاری کیا گیا۔نوٹٰ فکیشن میں کہا گیا ہے کہ 60 سال سے کم عمر نمازیوں کو ایس او پیز کے ساتھ مساجد میں نماز ادا کرنے کی اجازت ہوگی جبکہ کم عمر بچوں کے مسجد جانے پر پابندی ہوگی۔