ڈی چوک احتجاج کی قیادت بشری بی بی نے کی ، سیاسی نہ ہونے کا دعوی درست نہیں۔ فیصل کریم کنڈی

?️ 21 دسمبر 2025

پشاور (سچ خبریں) گورنر خیبر پختونخوا فیصل کریم کنڈی نے کہا ہے کہ بانی پی ٹی آئی اور بشریٰ بی بی سزا یافتہ ہیں، کیا کسی بھی سزا یافتہ شخص کو احتجاج کے ذریعے رہا کرایا جا سکتا ہے؟

پشاور میں میڈیا سے گفتگو کرتے ہوئے فیصل کریم کنڈی نے سوال اٹھایا کہ بشریٰ بی بی کیسے غیر سیاسی ہو سکتی ہیں؟ ڈی چوک احتجاج کی قیادت بشریٰ بی بی نے کی، اب سیاسی نہ ہونے کا دعویٰ درست نہیں۔

انہوں نے کہا کہ خیبر پختونخوا میں پوسٹنگ اور ٹرانسفرز بشریٰ بی بی کے زیر اثر ہوئیں، توشہ خانہ کیس میں قانون اپنا راستہ لے گا، اگر گرفتاری غلط ہے تو عدالتوں سے رجوع کیا جائے۔

انہوں نے کہا کہ جہاں دہشتگرد ہوں گے وہاں آپریشن کیا جائے گا ، وزیراعلیٰ خیبر پختونخوا کو صوبے سے دہشت گردی کے خاتمے کے لیے آپریشن کی حمایت کرنی چاہیے۔