پرتشدد احتجاج: امریکی سینیٹ کی کمیٹی کا پاکستان میں کشیدگی کم کرنے پر زور

?️

اسلام آباد:(سچ خبریں) امریکی سینیٹ کی ایک بااختیار کمیٹی نے حکومت پاکستان پر زور دیا ہے کہ وہ ملک بھر میں انٹرنیٹ سروسز کو فوری طور پر بحال اور کشیدگی کو کم کرے۔

اپنے سرکاری سوشل میڈیا اکاؤنٹس پر بھی پوسٹ کیے گئے ایک بیان میں امریکی سینیٹ کی خارجہ تعلقات کمیٹی نے صورتحال کو پریشان کن قرار دیتے ہوئے کہا ہے کہ وہ پاکستان میں ہونے والی پیش رفت پر گہری نظر رکھے ہوئے ہے۔

کمیٹی کے چیئرمین سینیٹر باب مینینڈیز نے بیان میں کہا کہ میں کشیدگی میں کمی کی کوششوں کی حمایت کرتا ہوں اور انٹرنیٹ سروسز تک عوام کی رسائی کی فوری بحالی کا مطالبہ کرتا ہوں۔

انہوں نے کہا کہ انٹرنیٹ شٹ ڈاؤن پاکستان کے عوام کی معلومات تک رسائی سمیت دیگر آزادیوں کو خطرناک حد تک دباتے ہیں۔

مذکورہ کمیٹی امریکی خارجہ پالیسیوں کی تشکیل میں کلیدی کردار ادا کرتی ہے، ان پالیسیوں کے نفاذ کے لیے فنڈز مختص کرتی ہے اور تمام سفارتی تقرریوں کو منظور یا مسترد کرنے کا اختیار رکھتی ہے۔

دریں اثنا اقوام متحدہ کے حقوق کے سربراہ نے سابق وزیر اعظم عمران خان کی گرفتاری کے نتیجے میں ملک بھر میں ہونے والی بےامنی کے بعد پاکستان کی سیکیورٹی فورسز پر زور دیا کہ وہ تحمل کا مظاہرہ کریں اور مظاہرین سے بھی تشدد سے باز رہنے کا مطالبہ کیا۔

خبر رساں ایجنسی ’اے ایف پی‘ کے مطابق اقوام متحدہ کے ہائی کمشنر برائے انسانی حقوق وولکر ترک نے ٹوئٹ کیا کہ سیاسی تنازعات کے حل کے لیے آزادی اظہار رائے، پرامن احتجاج اور قانون کی حکمرانی اہمیت کی حامل ہیں۔

ایک امریکی سینیٹر نے امریکی محکمہ خارجہ پر زور دیا ہے کہ وہ حکومت پاکستان سے انتخابات کی تاریخ طے کرنے کو کہے جبکہ دیگر قانون سازوں کا کہنا تھا کہ وہ صورتحال کا بہت باریک بینی اور احتیاط سے مشاہدہ کر رہے ہیں۔

اس کے علاوہ امریکا میں پی ٹی آئی کے حامیوں نے عمران خان کی رہائی کے سپریم کورٹ کے حکم کا خیرمقدم کیا لیکن پاکستان بھر میں پارٹی کارکنوں کے خلاف حکومتی کریک ڈاؤن کے خلاف احتجاج بھی جاری رکھا۔

سینیٹر کرس وان ہولن نے پاکستان کے پشتو نیوز شو ’وی او اے دیوا‘ کو بتایا کہ میں پاکستان کی صورتحال پر فکر مند ہوں، میں معاملے کا بغور مشاہدہ کر رہا ہوں۔

ان کا کہنا تھا کہ میں آج محکمہ خارجہ میں ہمارے کچھ اہم لوگوں سے وہاں کی صورتحال کے بارے میں بات کرنے کا ارادہ رکھتا ہوں۔

کراچی میں پیدا ہونے والے ڈیموکریٹک سینیٹر نے کہا کہ موجودہ سیاسی بحران کو ختم کرنے کے لیے پاکستان کو انتخابات کا راہ اپنانے کی ضرورت ہے۔

انہوں نے کہا کہ محکمہ خارجہ کے نمائندوں کے ساتھ اپنی بات چیت میں زور دیں گے کہ اس بات کو یقینی بنائیں کہ انتخابات کی تاریخوں پر اتفاق رائے کیا جائے تاکہ پاکستان میں لوگ آزادانہ اور منصفانہ طریقے سے اپنے رہنماؤں کا انتخاب کر سکیں۔

مشہور خبریں۔

اٹارنی جنرل آف پاکستان اپنے عہدے سے مستعفی

?️ 24 مارچ 2023اسلام آباد: (سچ خبریں) اٹارنی جنرل آف پاکستان بیرسٹر شہزاد عطا الہیٰ

الجزیرہ کے رپورٹر کو امریکی پیسوں میں قتل کیا گیا: امریکی قانون ساز

?️ 21 مئی 2022سچ خبریں: امریکی ایوان نمائندگان کے رکن الیگزینڈریا اوکاسیو کرٹز نے جمعہ

قطر کے وزیر خارجہ نے عمران خان سے ملاقات کی

?️ 10 ستمبر 2021اسلام آباد(سچ خبریں) وزیراعظم عمران خان سے قطر کے نائب وزیراعظم اور

جرنیلوں کی جنگ نیتن یاہو کے مفادات کو پورا کرتی ہے: عبرانی میڈیا

?️ 13 جنوری 2025سچ خبریں: ہاریٹز اخبار کے مطابق اسرائیلی فوج کے ڈپٹی چیف آف

پاکستان نے افغانستان کے داعش کو سپورٹ کرنے کے الزامات سختی سے مسترد کردیے

?️ 23 جنوری 2025اسلام آباد: (سچ خبریں) پاکستان نے داعش کے حوالے سے افغانستان کے

مصر کے چرچ میں خوفناک آتشزدگی؛41 افراد ہلاک

?️ 15 اگست 2022سچ خبریں:مصری سکیورٹی ذرائع نے اس ملک کے ایک چرچ میں آگ

عمران خان ، بشریٰ بی بی کیخلاف ناجائز تعلقات کے الزامات سے متعلق کیس ختم

?️ 17 جنوری 2024اسلام آباد:(سچ خبریں) ڈسٹرکٹ اینڈ سیشن کورٹ اسلام آباد نے عمران خان

کورونا ویکسین نہ لگانے والوں کے خلاف پابندیاں لگانے کا فیصلہ

?️ 30 ستمبر 2021ملتان (سچ خبریں) کمشنرملتان نے کورونا ویکسین نہ لگانے والوں کے خلاف

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے