عمان کی مسجد میں دہشتگردانہ حملے پر وزارت خارجہ کا ردعمل

?️ 17 جولائی 2024

سچ خبریں: دفترِ خارجہ کی ترجمان ممتاز زہرا بلوچ نے کہا ہے کہ عمان کی مسجد میں ہونے والے دہشت گردانہ حملے کی سخت مذمت کرتے ہیں، جس میں 2 پاکستانی بھی شہید ہوئے ہیں۔

ممتاز زہرا بلوچ نے ایک بیان میں کہا کہ عمان میں پاکستانی سفارت خانہ شہید ہونے والے 2 پاکستانیوں کی لاشوں کی شناخت کر رہا ہے اور ان کی میتوں کی واپسی کے لیے عمانی حکام سے رابطے میں ہے۔

یہ بھی پڑھیں: مغرب کے دوغلے پن اور منافقت پر عمان کی شدید تنقید

انہوں نے بتایا کہ پاکستانی سفارت خانے نے سہولت فراہم کرنے کے لیے ایک ہیلپ لائن بھی کھولی ہے، اور پاکستانی سفیر زخمی پاکستانی شہریوں کی خیریت دریافت کرنے کے لیے مقامی اسپتالوں کا دورہ کر رہے ہیں۔

ترجمان دفترِ خارجہ نے کہا کہ پاکستان نے اس گھناؤنے جرم کی تحقیقات اور ذمے داروں کو انصاف کے کٹہرے میں لانے میں ہر ممکن مدد کی پیشکش کی ہے۔

واضح رہے کہ سلطنتِ عمان کی امام علی مسجد میں پیش آئے فائرنگ کے واقعے کے شہداء میں 2 پاکستانی بھی شامل ہیں۔

مزید پڑھیں: عمان کے مفتی اعظم کا صیہونی حکومت کی انتہا پسند کابینہ کا مقابلہ کرنے کا مطالبہ

پاکستانی سفیر علی عمران چوہدری کا کہنا ہے کہ عمان حکومت نے مجموعی طور پر 4 افراد کی شہادت کی تصدیق کی ہے جن میں 2 پاکستانی بھی شامل ہیں۔