صحت کے شعبے میں پاکستان اور قطر کے درمیان تعاون میں نئی پیشرفت

?️ 27 جنوری 2026

اسلام آباد (سچ خبریں) صحت کے شعبے میں پاکستان اور قطر کے درمیان تعاون کو نئی پیشرفت حاصل ہوگئی۔

کالج آف فزیشنز اینڈ سرجنز پاکستان (سی پی ایس پی) کو قطر کے میڈیکل لائسنسنگ نظام میں اعلیٰ درجے کی شناخت حاصل ہوگئی۔ جس کے بعد پاکستانی ڈاکٹروں کی قطر میں میڈیکل لائسنسنگ کیٹگری اپ گریڈ کر دی گئی۔ اس فیصلے کے تحت کالج آف فزیشنز اینڈ سرجنز پاکستان کی فیلوشپس کو قطر میں ترجیحی طبی اہلیت کا درجہ حاصل ہوگیا۔ اور پاکستانی ڈاکٹروں کو پرومیٹرک امتحان سے استثنیٰ بھی دے دیا گیا ہے۔

سی پی ایس پی نے پہلی اور دوسری فیلوشپس کو مختلف اسپیشلٹیز کے لیے منظور کر لیا۔ ماہرین کے مطابق اس پیشرفت سے پاکستانی ڈاکٹروں کے لیے قطر میں روزگار کے مواقع میں اضافہ ہو گا۔ اور صحت کے شعبے میں دونوں ممالک کے تعاون کو مزید فروغ ملنے کی امید ہے۔