اسلام آباد:( سچ خبریں)ملک میں 18 اگست کو ختم ہونے والے ہفتے میں سال بہ سال مہنگائی کی شرح 42 اعشاریہ 3 فیصد کی ریکارڈ سطح پر پہنچ گئی۔
پاکستان ادارہ شماریات (پی بی ایس) کے جاری کردہ اعداد و شمار کے مطابق حساس قیمت انڈیکیٹر (ایس پی آئی) کی پیمائش کے مطابق مہنگائی میں ہفتہ وار 3 اعشاریہ 35 فیصد کا اضافہ اشیائے خورونوش کی قیمتوں میں اضافے کی وجہ سے ہوا۔
تاہم اس سے قبل 28 جولائی کو ختم ہونے والے ہفتے میں 3 اعشاریہ 68 فیصد کا سب سے زیادہ اضافہ ریکارڈ کیا گیا تھا۔
ایس پی آئی ملک کے 17 شہروں میں 50 مارکیٹ پر مبنی سروے کی بنیاد پر 51 اشیائے ضروریہ کی قیمتوں کی نگرانی کرتا ہے۔
زیر جائزہ ہفتے میں 51 میں سے 25 اشیا کی قیمتوں میں اضافہ ریکارڈ کیا گیا، جبکہ 11 اشیا کی قیمتوں میں کمی واقع ہوئی اور باقی 15 اشیا کی قیمتیں مستحکم رہیں۔
قیمتوں میں ہفتہ وار اضافے والی اشیا
- ٹماٹر: 20.28 فیصد
- چکن: 7.57 فیصد
- پیاز: 2.30 فیصد
- خشک دودھ: 2.03 فیصد
- بجلی (کم ترین آمدنی والے گروپ کے لیے): 6.83 فیصد
قیمتوں میں ہفتہ وار کمی والی اشیا
- ایل پی جی: 3.46 فیصد
- گھی: 1.16 فیصد
- لہسن: 0.94 فیصد
- سرسوں کا تیل: 0.71 فیصد
- دال مسور: 0.42 فیصد
قیمتوں میں سال بہ سال اضافے والی اشیا
- دال مسور: 111.02 فیصد
- ڈیزل: 108.77 فیصد
- پیٹرول: 94.53 فیصد
- پیاز: 94.43 فیصد
- خوردنی آئل 72.96 فیصد
ایس پی آئی میں سب سے کم آمدنی والے طبقے یعنی ماہانہ 17 ہزار 732 روپے سے کم آمدنی والے افراد کے لیے ہفتہ وار 1.80 فیصد اور 44 ہزار 175 روپے سے زیادہ ماہانہ آمدنی والے طبقے کے لیے 3.94 فیصد اضافہ ہوا۔
مشہور خبریں۔
نیتن یاہو اور اس کے وزراء جھوٹے اور مجرم ہیں
اگست
پاکستان کو پولیوفری ممالک کی فہرست میں شامل کرنا ہے: فیصل سلطان
اگست
توشہ خانہ ٹو کیس میں ایف آئی اے نے بشری بی بی درخواست ضمانت کی مخالفت کردی
اکتوبر
حاجی آج میدان منیٰ میں
جون
اسرائیلی قیدیوں کے اہلخانہ نے نیتن یاہو سے کیا کہا؟
اکتوبر
سیکڑوں اقساط پر مشتمل بھارتی ڈراموں کا حقیقت سے کوئی تعلق نہیں ہوتا، فرحان سعید
جولائی
امریکہ کسی کا نہیں
اگست
مودی حکومت نے ہزاروں کشمیری خاندانوں کے راشن کارڈ منسوخ کرکے انہیں مشکلات سے دوچارکردیا
دسمبر