بیرسٹرگوہر نے بانی کی رہائی کومذاکرات سے الگ کر دیا، مشیرقانون کا بڑا دعوی

?️ 4 ستمبر 2025

لاہور (سچ خبریں) مشیر برائے قانون وانصاف پنجاب بیرسٹر عقیل ملک نے کہا ہے کہ حکومت الیکٹورل ریفارمز پرسنجیدگی سے بات چیت کے لیے تیار ہے لیکن اسے کسی فرد واحد کی رہائی سے مشروط نہیں کیا جا سکتا۔

بیرسٹرعقیل ملک نے دعوی کیا کہ تحریک انصاف کے رہنما بیرسٹر گوہر خود الیکٹورل ریفارمز پر مذاکرات کی خواہش کا اظہار کرچکے ہیں۔

انہوں نے کہا کہ اگرتحریک انصاف صرف بیرسٹر گوہر کی رہائی کو بات چیت کی شرط بنانا چاہتی ہے تو یہ قابلِ قبول نہیں اب تو لگتا ہے جیسے خود ان کی رہائی مطلوب بھی نہیں۔

انہوں نے مزید کہا کہ 9 مئی کے واقعات کے بعد تحریک انصاف میں نمایاں تبدیلی آئی ہے اور بانی پی ٹی آئی کا “مثبت یوٹرن” خوش آئند ہے، حکومت پہلے دن سے چاہتی ہے کہ تمام سیاسی جماعتیں ایک میز پر بیٹھ کرقومی معاملات حل کریں۔

پنجاب حکومت نے سیلاب متاثرین کے لیے کیمپس قائم کیے ہیں اوروزیراعلیٰ مریم نواز خود میدان میں موجود ہیں، 2022 کے تباہ کن سیلاب کے بعد وہ اقدامات نہیں کئے گئے جوکرنے چاہیئے تھے۔

وفاقی سطح پرقانون سازی کے حوالے سے انہوں نے بتایا کہ نئی قانون سازی کے تحت تینوں سروسزچیفس کی مدت ملازمت اب 3 کے بجائے 5 سال ہوچکی ہے اورموجودہ آرمی چیف کی مدت 2027 تک ہوگی، یہ قانون گزشتہ سال نومبرمیں بن چکا ہے لہٰذا اب اس پرمزید بحث کی گنجائش نہیں۔