پب جی ایک ماہ کے دوران  سب سے زیادہ کمائی کرنے والا گیم

?️ 12 دسمبر 2021

لندن (سچ خبریں)پب جی نے ایک ماہ کے دوران کمائی کے سارے ریکارڈ‌ توڑ‌ دئیے گذشتہ  ایک ماہ میں سب سے زیادہ کمائی کرنے والا پہلا آن لائن گیم بن گیا رواں برس نومبر میں پب جی کھیلنے والوں نے صرف ایک ماہ میں آن لائن گیم پر 25 کروڑ 40 ڈالرز کی خطیر رقم خرچ کر ڈالی۔

دنیا بھر کے ٹیکنالوجی صارفین کی مارکیٹ کا تجزیہ کرنے والی فرم سینسر ٹاور نے نومبر 2021 میں سب سے زیادہ کمائی کرنے والے آن لائن گیمز کا تجزیہ کیا جس کی رپورٹ نے صارفین کی آنکھیں کھول دیں۔رپورٹ میں بتایا گیا ہے کہ رواں برس نومبر میں ‘پب جی’ کھیلنے والوں نے صرف ایک ماہ میں آن لائن گیم پر 25 کروڑ 40 ڈالرز کی خطیر رقم خرچ کر ڈالی۔

میڈیا رپورٹ میں بتایا گیا ہے کہ یہ رقم گزشتہ برس پب جی پر خرچ کی گئی رقم سے 46 فیصد زیادہ ہے۔گیم ڈیولپر ٹین سینٹ کے بنائے گئے آن لائن گیم پب جی نے 66 فیصد ریونیو چین، سات اعشاریہ تین فیصد ترکی اور چھ اعشاریہ آٹھ فیصد امریکا سے آیا کمایا ہے۔

دوسرے نمبر پر سب سے زیادہ کمائی 20 کروڑ 70 لاکھ ڈالر موبائل گیم گینشن امپکیٹ نے کی ہے جو گزشتہ برس کمائے گئے منافع سے 47 فیصد زیادہ ہے، اس گیم کو ‘می ہویو’ نے بنایا ہے۔تیسرے نمبر پر پب جی کمپنی کے ہی بنائے گئے گیم آنر آف کنگ، مون آف ایکٹوکا، ‘کوائن ماسٹر’ اور این سی سافٹ کا ‘لائن ایج’ ہے۔رپورٹ میں بتایا گیا ہے کہ نومبر 2021 میں گوگل پلے اسٹور اور ایپل اسٹور پرموبائل گیمز کھیلنے کے شوقین افراد نے ایک محتاط اندازے کے مطابق 7 ارب 10 کروڑ ڈالر خرچ کیے۔