یورپی پارلیمنٹ نے فیفا اور یوئیفا کو اسرائیل کے بارے میں کیا کہا؟

?️ 20 فروری 2024

سچ خبریں: یورپی پارلیمنٹ نے یورپی فٹ بال یونین (UEFA) اور انٹرنیشنل فٹ بال فیڈریشن (FIFA) سے کہا کہ وہ اسرائیلی فٹ بال پر پابندی عائد کریں۔

Insideworld Football کی رپورٹ کے مطابق یورپی پارلیمنٹ کے متعدد نمائندوں نے فیفا اور UEFA کو ایک خط ارسال کیا ہے جس میں اسرائیل کی فٹبال ٹیم اور اس ریاست کے کلبوں کو بین الاقوامی مقابلوں میں شرکت سے روکنے کا مطالبہ کیا گیا ہے۔

یہ بھی پڑھیں: فلسطینیوں کے دباؤ کے بعد صیہونی ٹیم اور بارسلونا کے مابین ہونے والا فٹ بال میچ منسوخ ہوسکتا ہے

یہ خط 15 فروری کو بھیجا گیا تھا اور اسپین، آئرلینڈ اور جرمنی کی نمائندگی کرنے والے یورپی پارلیمنٹ کے 13 ارکان نے اس پر دستخط کیے تھے۔

اس خط کے ایک میں کہا گیا ہے کہ یورپی پارلیمنٹ کے اراکین اور اس براعظم کے عوام کے سیاسی نمائندوں کی حیثیت سے، ہم فیفا، یوئیفا اور دیگر مجاز اداروں سے فلسطین میں انسانی حقوق کی مسلسل خلاف ورزیوں کے خلاف فیصلہ کن کارروائی کرنے کا مطالبہ کرتے ہیں۔

خط میں مزید آیا ہے کہ FIFA اور UEFA دونوں اقدار کو فروغ دینے کے لیے پرعزم ہیں، بلاشبہ آج غزہ کی پٹی میں ان تمام اقدارکو پامال کیا جا رہا ہے، فٹ بال کو فلسطینی عوام پر قبضے اور تباہی کا جواز فراہم کرنے میں مدد نہیں کرنی چاہیے۔

خط میں کہا گیا ہے کہ ان وجوہات کی بناء پر اور جنوبی افریقہ میں نسل پرستانہ حکومت کے ویٹو جیسی تاریخی مثالوں کی پیروی کرتے ہوئے، ہم مطالبہ کرتے ہیں کہ فلسطینیوں کی نسل کشی کے خاتمے تک اسرائیلی ٹیم اور اس کے فٹ بال کلبوں پر تمام یورپی اور بین الاقوامی مقابلوں پر پابندی لگا دی جائے۔

مزید پڑھیں: ترک فٹبال ڈسپلنری کمیٹی نے اسرائیلی کھلاڑیوں کے ساتھ کیا کیا؟

یاد رہے کہ 7 اکتوبر کو ہونے والے حماس کے طوفان الاقصی آپریشن کے بعد سے غزہ کی پٹی پر صیہونی حکومت کے حملوں میں اب تک 29 ہزار سے زائد فلسطینی شہید ہو چکے ہیں۔