گیس کی منتقلی کے لیے صیہونیوں کے یورپی یونین اور مصر کے ساتھ خفیہ مذاکرات

31 مئی 2022

سچ خبریںاسرائیلی ذرائع ابلاغ نے انکشاف کیا ہے کہ مصر کے راستے مقبوضہ فلسطین سے گیس کی یورپ منتقلی کے لیے سہ فریقی خفیہ مذاکرات جاری ہیں اور جلد ہی اس پر دستخط کیے جائیں گے۔
صیہونی فوج کے ریڈیو نے انکشاف کیا ہے کہ اسرائیل، یورپی یونین اور مصر کے درمیان مقبوضہ فلسطین سے مصر کے راستے گیس کی یورپ منتقلی کے لیے خفیہ مذاکرات ہوئے ہیں اور اس کے مندرجات کا اعلان جلد میڈیا میں پیش کیا جائے گا۔۔

اسرائیلی وزیر توانائی نے اس خبر کی تصدیق کرتے ہوئے زور دیا کہ آئندہ چند ہفتوں میں مفاہمت کی یادداشت پر دستخط کیے جائیں گے تاہم انھوں نے اس حوالے سے مزید معلومات فراہم نہیں کیں، صہیونی ماہرین کے مطابق یوکرین کے بحران سے پیدا ہونے والی عالمی صورتحال کے پیش نظر تل ابیب اپنی گیس مارکیٹوں میں توسیع کا ارادہ رکھتا ہے جب کہ اس وقت صرف مصر اور اردن اس کی گیس کے گاہک ہیں۔

اسرائیلی وزیر توانائی نے یہ بھی اعلان کیا کہ یورپ کو برآمدات کی فراہمی کے لیے گیس کے وسائل دریافت کرنے کے لیے جلد ٹینڈر کا اعلان کیا جائے گا، منصوبے کے مطابق مقبوضہ فلسطین سے مصر اور وہاں سے یورپ تک گیس پائپ لائن بچھائی جائے گی۔