کورونا جانے والا نہیں،کسی نہ کسی شکل میں ظاہر ہوتا رہے گا؛عالمی ادارہ صحت

20 جنوری 2022

سچ خبریں:عالمی ادارہ صحت کے سربراہ نے اپنے ایک تازہ ترین بیان میں کہا ہے کورونا ختم نہیں ہونے والا بلکہ اومیکرون کے بعد نئی شکل میں ظاہر ہونے کا امکان ہے۔
عالمی ادارہ صحت کے سربراہ نے اپنے ایک تازہ ترین بیان میں کہا ہے کورونا ختم نہیں ہونے والا ،ڈبلیو ایچ او کے سربراہ کا یہ دعوا ایسے وقت میں سامنے آرہا ہے جب یہ دلائل دیے جا رہے ہیں کہ اومیکرون ویرینٹ بہت ہلکا ہے اور اس نے کورونا وائرس سے لاحق خطرے کو ختم کر دیا ہے۔

عالمی ادارۂ صحت کے سربراہ نے کہا کہ اومیکرون کا خطرہ اوسطاً کم ہو سکتا ہے تاہم اسے ہلکی بیماری کے طور پر بیان کرنا گمراہ کن ہے، انہوں نے کہا کہ اومیکرون ہلکا ہونے کے باوجود ہیلتھ خدمات کو متاثر کر رہا ہے۔

عالمی میڈیا نے ڈبلیو ایچ او کے ڈائریکٹر آف ایمرجنسیز مائیک ریان کے حوالے سے بتایا کہ اومیکرون کے بڑھتے ہوئے پھیلاؤ سے اسپتالوں میں داخل ہونے اور اموات میں اضافے کی توقع ہے،رپورٹ میں دعوا کیا گیا ہے کہ جن ممالک میں بڑے پیمانے پر ویکسینیشن کا عمل انجام نہیں پایا ہے، وہاں کورونا سے پیدا ہونے والے خطرات زیادہ ہیں۔

یہ دعوی ایسے وقت میں سامنے آیا ہے کہ ابھی حال ہی میں خود عالمی ادارۂ صحت کی رپورٹ میں یہ کہا گیا تھا کہ نا معلوم دلائل کی بنا پر کورونا اُن ممالک میں زیادہ پھیل رہا ہے جہاں بڑے پیمانے پر لوگوں کو ویکسین دی جا چکی ہے۔