سچ خبریں:روسی ذرائع ابلاغ کا کہنا ہے کہ کابل میں اس ملک کے سفارتخانے کے قریب دھماکہ ہوا ہے جس کے نتیجہ میں متعدد افراد ہلاک اور زخمی ہوئے ہیں۔
اسپوٹنک خبر رساں ایجنسی کی رپورٹ کے مطابق کابل کے اس علاقے میں جہاں روسی سفارت خانے کی عمارت واقع ہے، ایک دھماکہ ہوا ہے ، رپورٹ کے مطابق دھماکے میں کچھ لوگ ہلاک اور زخمی ہوئے ہوں گے، تاہم سفارت خانے کے ملازمین کے بارے میں کوئی معلومات دستیاب نہیں ہیں۔
افغان خبر رساں ذرائع نے بھی کابل کے علاقے دارلامان میں دھماکے کی اطلاع دی، افغانستان کے سرکاری ذرائع نے ابھی تک اس حوالے سے تفصیلی معلومات کا اعلان نہیں کیا ہے۔
بعض خبری ذرائع نے اعلان کیا ہے کہ دھماکہ روسی سفارت خانے کے ایک دروازے کے سامنے ہوا اور ابتدائی معلومات کے مطابق دھماکے میں کچھ افراد زخمی بھی ہوئے ہیں، بعض ذرائع نے اطلاع دی ہے کہ طالبان فورسز نے روسی سفارت خانے کے قریب خودکش دھماکہ کرنے والے کو گولی مار دی۔
