نیٹو کی دشمنانہ پالیسی ہمیں سلامتی کے اقدامات پر مجبور کر رہی ہے:روس

سچ خبریں:کرملین نے نیٹو کی روس مخالف پالیسیوں کو دشمنی قرار دیتے ہوئے کہا ہے کہ ماسکو اپنی سلامتی کے تحفظ کے لیے ضروری اقدامات پر مجبور ہے،پسکوف نے یوکرین کے ساتھ مذاکرات کی بحالی کو مثبت اشارہ قرار دیا

روسی خبر رساں ایجنسی ریانووستی کی رپورٹ کے مطابق اس ملک کے صدارتی دفتر (کرملین) کے ترجمان دیمتری پسکوف نے کہا ہے کہ نیٹو کا دشمنانہ رویہ ماسکو کو مجبور کر رہا ہے کہ وہ اپنی قومی سلامتی کے تحفظ کے لیے ضروری اقدامات کرے۔

یہ بھی پڑھیں: روس اور نیٹو کے درمیان تصادم کا خطرہ بڑھتا جا رہا ہے: ماسکو

 یورپی یونین کی جانب سے روس پر عائد کی جانے والی نئی پابندیوں کا ہم جائزہ لیں گے تاکہ ان کے منفی اثرات کو کم سے کم کیا جا سکے۔ پابندیاں دو دھاری تلوار ہوتی ہیں، اور ہم یورپ کی مسلسل روس مخالف پالیسی کا مشاہدہ کر رہے ہیں۔

انہوں نے مزید کہا کہ ماسکو یکطرفہ پابندیوں کا مخالف ہے، لیکن ہم نے سیکھ لیا ہے کہ ان حالات سے مطابقت کیسے پیدا کرنی ہے،نیٹو کو ایک تصادم انگیز تنظیم قرار دیتے ہوئے پسکوف نے کہا

 یہ اتحاد روس کے بارے میں واضح طور پر مخاصمانہ رویہ رکھتا ہے، اور اس کے نتیجے میں ہمیں اپنی سلامتی کو یقینی بنانے کے لیے عملی اقدامات پر مجبور ہونا پڑ رہا ہے۔

پسکوف نے یوکرینی صدر ولادیمیر زلنسکی کے حالیہ بیانجس میں مذاکراتی عمل کو مضبوط بنانے کی ضرورت پر زور دیا گیا تھاکا خیرمقدم کرتے ہوئے کہا کہ یہ ایک مثبت اشارہ ہے، روس یوکرین کے ساتھ ایک فعال اور نتیجہ خیز مذاکراتی عمل کا خواہاں ہے۔

مزید پڑھیں: روس اور نیٹو کے درمیان تصادم کا امکان

انہوں نے مزید کہا کہ روس اور امریکہ کے درمیان موجودہ افسوسناک تعلقات سے نکلنے کے لیے بھی ایک مشکل عمل درپیش ہے لیکن ہم سمجھتے ہیں کہ یوکرین بحران کا حل اور روس-امریکہ تعلقات کی بحالی دو الگ الگ معاملات ہیں۔