مغربی ممالک کے نقاب اتر چکے ہیں: روس

18 مارچ 2022

سچ خبریں:روس کے صدر نے یورپ میں اپنے شہریوں کے خلاف امتیازی اور نسل پرستانہ اقدامات پر تنقید کرتے ہوئے کہا کہ مغرب نے اپنے فریب پر مبنی نقاب ہٹا لیے ہیں اور بدتمیزی کا مظاہرہ کر رہا ہے۔
اسپوٹنک نیوز ایجنسی کی رپورٹ کے مطابق، روسی صدر ولادیمیر پیوٹن نے روسی حکام کے ایک گروپ کی موجودگی میں یوکرین میں ملک کی خصوصی فوجی کارروائیوں کی تازہ ترین صورتحال کے بارے میں ایک ویڈیو تقریر میں کہا کہ مغرب نے تمام خوبصورت اور دھوکہ دہی والے نقاب ہٹا دیے ہیں اور وہ بدتمیزی کر رہا ہے۔

پیوٹن نے مزید کہا کہ جزیرہ نما کریمہ کا روس کے ساتھ الحاق کرنے کا فیصلہ درست کام تھا اور صحیح وقت پر کیا گیا، انہوں نے کہا کہ مغرب میں روسی نجی کمپنیوں کے اثاثوں کو منجمد کرنا ان کے لیے ایک سبق ہوگا،میں نے بار بار کہا ہے کہ اپنے ملک میں سرمایہ کاری کرنے سے زیادہ محفوظ کوئی چیز نہیں ہےاور یہ کہ مغربی کمپنیاں جنہوں نے روس میں کام جاری رکھنے کا فیصلہ کیا ہے ان کے پاس ترقی کے مزید مواقع ہوں گے۔

روسی صدر نے زور دیا کہ آج بہت سے مغربی ممالک میں، روسی شہریوں کو نسل پرستی اور امتیازی سلوک کا سامنا ہے، انہیں طبی امداد سے محروم رکھا جارہا ہے، ان کے بچوں کو اسکول سے نکالا جارہاہے انہیں نوکریوں سے نکالا جارہاہے، وہ موسیقی، فن اور روسی ثقافت سے محروم ہورہے ہیں۔