مسجد اقصیٰ پر صیہونی حملوں میں شدت

25 ستمبر 2023

سچ خبریں: صیہونی فوج کی بھرپور حمایت سے سینکڑوں قابض آباد کاروں نے آج پیر کی صبح مسجد الاقصی پر حملہ کیا۔

فلسطینی ذرائع کے مطابق مقامی وقت کے مطابق یہودیوں کی عید کے موقع پر صبح 7 بجے سینکڑوں قابض آباد کاروں نے مسجد الاقصی پر حملہ کیا۔

جبکہ کل 673 صہیونیوں نے مسجد الاقصی پر حملہ کیا، جس میں گزشتہ سال کی اسی مدت کے مقابلے میں اضافہ ہوا ہے،مصر نے مسجد الاقصی پر صیہونیوں کے حملے کو روکنے کا مطالبہ کردیا۔

یہ بھی پڑھیں: سیکڑوں صیہونی آبادکاروں کا مسجد الاقصی پر حملہ

مصری وزارت خارجہ نے ایک بیان میں اعلان کیا ہے کہ مسجد اقصیٰ پر حملہ دنیا بھر کے کروڑوں مسلمانوں کے جذبات کو مشتعل کرتا ہے اور یہ مقبوضہ فلسطینی علاقوں میں کشیدگی اور تشدد میں اضافے کا باعث بن سکتا ہے۔

مصری وزارت خارجہ نے مسجد الاقصی پر صیہونیوں کے حملے کو فوری طور پر روکنے کا مطالبہ کیا۔

درایں اثنا فلسطینی وزارت صحت نے آج پیر کی صبح غزہ کی پٹی میں اعلان کیا کہ 18 سالہ فلسطینی نوجوان مجدی ایہاب غیابن جو چند روز قبل اسرائیلی قابض فوجیوں کے ہاتھوں زخمی ہو گیا تھا، زخموں کی تاب نہ لاتے ہوئے ہسپتال میں دم توڑ گیا۔

مزید پڑھیں: صیہونی آباد کاروں کا مسجد الاقصی پر حملہ

ادھر فلسطینی مزاحمت کاروں نے آج پیر کی صبح طوباس کے مشرق میں واقع علاقے تیسر میں صیہونی حکومت کی فوج کی چوکی پر فائرنگ کی۔

نیز مزاحمتی مجاہدین نے آج صبح الخلیل کے شمال میں بیت امر قصبے میں صیہونی فوجی ٹاور کو ایک طاقتور گھریلو ساختہ بم سے نشانہ بنایا۔