صیہونی آباد کاروں کا مسجد الاقصی پر حملہ

?️ 24 مئی 2022

سچ خبریں:پیر کے روز درجنوں صیہونی آباد کاروں نے حکومتی فورسز کی حمایت سے مسجد الاقصیٰ پر حملہ کیا۔
فلسطین ٹوڈے کی رپورٹ کے مطابق فلسطینیوں کے خلاف صیہونی حکومت کے معاندانہ اقدامات کا سلسلہ بدستور جاری ہے جس کے ایک تازہ ترین واقعہ میں درجنوں صیہونی آباد کاروں نے پیر کے روز صیہونی حکومت کی فوج کی حمایت سے مسجد الاقصی پر حملہ کیا۔

رپورٹ کے مطابق آبادکار باب المغربہ سے مسجد اقصیٰ میں داخل ہوئے اور وہاں اشتعال انگیز کارروائیاں کیں، یاد رہے کہ اس سے قبل فلسطین کی اسلامی مزاحمتی تحریک (حماس) کے سربراہ خالد مشعل نے کہا تھا کہ فلسطینی عوام مسجد اقصیٰ کو یہودیانے یا اس کی تقسیم اور تباہی نیز قابضین کی طرف سے کسی مذہبی یا سیاسی حکمرانی کی اجازت نہیں دیں گے۔

واضح رہے کہ صیہونی حکومت کا ٹیلی ویژن چینل اس سے قبل تسلیم کرچکا ہے کہ حکومت کا حفاظتی ادارہ مسجد الاقصیٰ پر حملے کے نتائج کے بارے میں فلسطینی گروہوں کے انتباہات کو سنجیدگی سے لے رہا ہے۔