فلسطینی مجاہدین اور صیہونی فوجیوں کے درمیان جھرپ

?️ 31 مارچ 2021

سچ خبریں:فلسطینی ذرائع ابلاغ نے اطلاع دی ہے کہ فوجی ساز وسامان سے بھری ہوئی صیہونی فوجیوں کی گاڑی کے غزہ پٹی میں آمد کے بعد فلسطینی لیبریشن ڈیموکریٹک فرنٹ کی فوجی شاخ کی ان کے ساتھ جھڑپ ہوئی۔
فلسطینی ذرئع ابلاغ کی رپورٹ کے مطابق آج صبح غزہ پٹی میں دیر البلخ علاقہ کے مشرق میں اسرائیلی فوج کے ساتھ جھڑپ میں فلسطین لبریشن ڈیموکریٹک فرنٹ کی فوجی شاخ کتائب المقاومه الوطنیه کے اہلکاروں کی جھڑپ ہوئی، الاعلام الحربی المرکزی ویب سائٹ کے مطابق کتائب المقاومه الوطنیه نے ایک بیان میں کہا ہے کہ اس تنظیم کے اہلکاروں نے مشین گنوں سے اسرائیلی فورسز کا مقابلہ کیا جو دیر البلخ کے مشرقی حصے میں 60 میٹر اندر آچکے تھے جس کے نتیجہ میں صیہونی عسکریت پسند سرحد پر حائل دیوار تک پیچھے ہٹ گئے۔

کتائب المقوامہ الوطنیہ نے مزید کہا ہے کہ صیہونی فوجیوں کی پسپائی کے بعد مجاہدین بھی تنازعہ کے مقام سے بحفاظت اپنے اڈوں پر واپس آگئے، ڈیموکریٹک فرنٹ کی فوجی شاخ نے زور دے کر کہا کہ یہ حملہ قابضین کی جارحیت کا مقابلہ کرنے اور فلسطینی عوام کے دفاع کے لئے کیا گیا ہے۔

المقاومہ الوطنیہ نے بھی آخر میں تاکید کی کہ وہ غاصبوں کو ان کی مسلسل جارحیت اور تخریب کاری پر اصرار نہیں کرنے دیں گے خاص طور پر غزہ کی پٹی میں جہاں پر آئے دن صیہونی درندے فلسطینی کسانوں اور ماہی گیروں کو نشانہ بناتے ہیں۔