اسرائیلی میں فوجی افسروں کی شدید قلت

سچ خبریں:  اسرائیلی فوج نے ایک بیان جاری کرتے ہوئے اعتراف کیا ہے کہ اس کے تمام لڑاکا یونٹس میں لیفٹیننٹ سے کیپٹن کے درجے تک 1300 افسروں کی شدید کمی کا سامنا ہے۔

فوجی ذرائع کے مطابق، مختلف لڑاکا یونٹس میں تقریباً 300 میجر درجے کے افسروں کی بھی قلت ہے۔

اسرائیلی فوج کا مزید کہنا ہے کہ آنے والے سال میں تقریباً 30 فیصد سینئر کمانڈر مسلح افواج کو چھوڑ دیں گے۔

رپورٹ کے مطابق 70 فیصد ریزرو فوجیوں کے خاندان طویل سروس دورانیوں اور خاندانی معاشی سرگرمیوں کے تعطل کی وجہ سے شدید مسائل اور دباؤ کا شکار ہیں۔

اسرائیلی فوج نے زور دے کر کہا کہ انسانی قوت کی یہ کمی براہ راست اسرائیلی ریاست کی سلامتی پر اثرانداز ہو رہی ہے۔ رپورٹ کے مطابق، موجودہ سال میں صرف 37 فیصد افسروں نے اپنی خدمات جاری رکھنے کی خواہش کا اظہار کیا ہے، جبکہ 2018 میں یہ شرح تقریباً 58 فیصد تھی۔

فوجی اندازوں کے مطابق، آنے والے سال میں 30 فیصد ریزرو اور مستقل فوجی اپنے یونٹس میں واپس نہیں آئیں گے۔