عین الاسداڈا ایک بار پھر راکٹ حملوں کا شکار

2 جون 2022

سچ خبریں:عراق میں واقع عین الاسد امریکی فوجی اڈے کو ایک بار پھر راکٹ حملوں کا نشانہ بنایا گیا۔
صابرین نیوز کی رپورٹ کے مطابق عراق کے دار الحکومت بغداد کے قریب واقع امریکیوں کے اڈے عین الاسد پر راکٹوں سے حملہ کیا گیا جس کے بعد اس اڈے پر دھماکوں کی آوازیں سنائی دیں، رپورٹ کے مطابق اڈے پر 6 راکٹ داغے گئے جو گراڈ قسم کے راکٹ تھے۔

رپورٹ کے مطابق عین الاسد فوجی اڈے پر حملوں کے بعد سی ریم اور پیٹریاٹ اینٹی میزائل سسٹم فعال ہو گیا، واضح رہے کہ عراقی پارلیمنٹ میں غیرملکی فوجیوں کو ملک سے باہر نکالنے کا بل پاس ہونے کے بعد بھی امریکی دہشتگرد عراق کو چھوڑنے میں پس و پیش سے کام لے رہے ہیں جس کے باعث انکے کے قافلوں کو آئے دن حملوں کا نشانہ بنایا جا رہا ہے۔

اسی بنا پر امریکی دہشتگردوں نے اپنے فوجی ساز و سامان کی منتقلی کا کام عراق کی پرائیویٹ کمپنیوں کے سپرد کر دیا ہے، تاہم عراق کے استقامتی گروہوں کا کہنا ہے کہ ملک کی پارلیمنٹ میں منظور ہونے والے بل کی بنیاد پر امریکی فوجیوں کو عراق سے باہر نکل جانا چاہئے ورنہ انہیں اسی طرح ہر ممکن شکل میں نشانہ بنایا جاتا رہے گا۔