صیہونی وزارت زراعت کی سائٹ ہیک

10 اگست 2022

سچ خبریں:صیہونی حکومت کے بعض اداروں پر سائبر حملوں کے بعد جن کے بارے میں صیہونیوں کا خیال تھا کہ وہ عراق سے ہیں، اس حکومت کے ذرائع ابلاغ نے صیہونی وزارت زراعت کی ویب سائٹ بنگلہ دیش سے ہیک ہونے کی خبر دی۔
صہیونی اخبار یدیوت احرنٹ نے اعلان کیا کہ اسرائیل کی وزارت زراعت کی ویب سائٹ ہیک کر لی گئی ہے،اخبار نے کہا ہے کہ بنگلہ دیش کے بنگلہ دیش کے ایک پراسرار ہیکر گروپ نے صیہونی وزارت ذراعت کی ویب سائٹ پر حملہ کیا۔

واضح رہے کہ یہ پہلا موقع ہے کہ صیہونیوں نے بنگلہ دیش کے ہیکرز کے ذریعے ان کی ویب سائٹس کے ہیک کیے جانے کی اطلاع دی،رپورٹ کے مطابق صہیونی اس سائٹ کے صفحہ کی بازیابی میں کامیاب نہیں ہو سکے ہیں،صیہونی اخبار کے مطابق یہ ہیکر گروپ فلسطینی قوم کی حمایت اور صیہونی حکومت کی مخالفت کا دعویٰ کرتا ہے۔

صیہونی حکومت کے ذرائع ابلاغ نے اعلان کیا کہ مقبوضہ علاقوں میں واقع صہیونی قصبے سدیروت کی میونسپلٹی سمیت اس حکومت کے بعض اداروں کو سائبر حملے کا نشانہ بنایا گیا ہے، ان ذرائع ابلاغ کے مطابق یہ سائبر حملے عراق سے ہوئے ہیں۔

یاد رہے کہ صیہونی حکومت کے ذرائع ابلاغ نے حال ہی میں خبر دی تھی کہ قابض فوج کے داخلی محاذ کی کمان کی ویب سائٹ سائبر حملے کا نشانہ بنی اور رسائی سے باہر ہوگئی۔