صیہونی آبادکاروں کا ایک بار پھر مسجد الاقصی پر حملہ

?️ 27 جولائی 2021

سچ خبریں:صہیونی آبادکاروں نے آج منگل کوصیہونی پولیس کی حمایت سے ایک بار پھر مسجد اقصی پر حملہ کیا۔
فلسطین ٹوڈے کی رپورٹ کے مطابق صیہونی حکومت کے آباد کار فلسطینیوں کے مقدس مقامات کے خلاف اپنے مخالفانہ اقدامات جاری رکھے ہوئے ہیں جن کے تحت منگل کے روز صیہونی آبادکاروں نے ایک بار پھر مسجد اقصی پر حملہ کیا، رپورٹ کے مطابق صیہونی آباد کاروں نے مسجد اقصیٰ کے صحنوں پر حملہ کرنے کے بعد اسلام مخالف نعرے لگائے۔

واضح رہے کہ مسجد اقصیٰ پر صیہونیوں کے حملے کے بعد ان کے اور فلسطینی شہریوں کے درمیان شدید تصادم ہوایادرہے کہ یہ اس وقت ہوا جب فلسطینی مزاحمتی گروپوں نے صیہونی حکومت کے فوجیوں اور آباد کاروں کو مسجد اقصیٰ پر کسی بھی حملے کے بارے میں متنبہ کیا ہے۔

مزاحمتی گروپوں نے اعلان کیا ہے کہ ہمارے مقدس مقامات کے بے حرمتی کی گئی تو وہ سیف القدس کی لڑائی کی طرح وہ اب بھی تل ابیب کو نشانہ بنانے کے تیار ہیں، قابل ذکر ہے کہ صہیونی آباد کاروں نے حال ہی میں آباد کاری کی غرض سے مغربی کنارے میں بیتا کے علاقے میں واقع جبل صبیح نامی قصبے پر قبضہ کرلیا جبکہ اس کے بعد فلسطینیوں نے زبردست مظاہروں اور جھڑپوں کے ذریعےانھیں جبل صبیح کو چھوڑنے پر مجبور کردیا ۔

قابل ذکر ہے کہ غزہ کی حالیہ جنگ میں فلسطینی مزاحمتی تحریک کے ہاتھوں صیہونیوں کی ذلت آمیز شکست کے بعد وہ اپنی ساکھ کو بحال کرنے کے طرح طرح کے حربے اپنا رہے ہیں اس لیے اس شکست سے عالمی سطح پر صیہونیوں کو نہایت ہی خفت کا سامنا کرنا پڑا اور پہلے سے بھی زیادہ ذلیل وخوار ہو کر رہ گئے۔