سویڈن نے پاکستان میں اپنا سفارت خانہ بند کر دیا

12 اپریل 2023

سچ خبریں:میڈیا نے پاکستان میں سویڈن کے سفارت خانے کو غیر معینہ مدت کے لیے بند کرنے کی خبر دی ہے۔

AIRI کی رپورٹ کے مطابق باخبر سفارتی ذرائع نے اعلان کیا کہ سویڈن نے پاکستان میں اپنا سفارت خانہ غیر معینہ مدت کے لیے بند کر دیا ہے، میڈیا کے مطابق سویڈن کا سفارت خانہ بند ہونے سے بیرون ملک مقیم پاکستانیوں اور طلبہ کو مشکلات کا سامنا کرنا پڑا ہے۔

سویڈن میں نئے تعلیمی سمسٹر میں داخلہ لینے والے طلباء، جو اگست کے آخری ہفتے میں شروع ہونے والے ہیں، کو اپنی فیس کی ادائیگی میں رکاوٹوں کا سامنا ہے۔

رپورٹ میں مزید کہا گیا ہے کہ اس کے علاوہ بیرون ملک پاکستانی سویڈن میں اپنے اہل خانہ سے رابطہ نہیں کر سکتے کیونکہ اسلام آباد میں اسٹاک ہوم کا سفارت خانہ بند ہے۔

سفارتی ذرائع نے بتایا کہ عام طور پر سویڈن کا ویزا جاری ہونے میں 4 سے 6 ماہ لگتے ہیں،وزارت خارجہ کے عہدیدار اسد ماجد خان کو بیرون ملک پاکستانیوں اور طلباء نے اس صورتحال سے آگاہ کیا۔

دریں اثنا، سویڈن کے سفارت خانے کے اندر موجود ذرائع نے بتایا کہ وہ سفارت خانے کے دوبارہ کھلنے کے بارے میں فی الحال کچھ نہیں کہہ سکتے۔

درایں اثنا بعض خبر رساں ذرائع نے پاکستان کی صورتحال کے بارے میں سویڈن کے سیکیورٹی خدشات کو اسٹاک ہوم کی جانب سے اس اقدام کی وجہ قرار دیا ہے،تاہم ابھی تک سویڈن اور پاکستان کے سرکاری حکام نے اس حوالے سے کوئی بیان جاری نہیں کیا ہے۔