پاکستان اور متحدہ عرب امارات کا ریلوے کو جدید بنانے کیلئے شراکت داری کو مضبوط بنانے پر اتفاق

?️

اسلام آباد: (سچ خبریں) پریس انفارمیشن ڈیپارٹمنٹ (پی آئی ڈی) کے مطابق پاکستان اور متحدہ عرب امارات (یو اے ای) نے ریلوے کی جدید کاری اور علاقائی رابطے پر شراکت داری کو مضبوط بنانے پر اتفاق کیا ہے۔

پاکستان اور یو اے ای کے درمیان قریبی سفارتی، اقتصادی اور ثقافتی تعلقات ہیں۔ یو اے ای مشرق وسطیٰ میں پاکستان کے سب سے بڑے تجارتی شراکت داروں میں سے ایک ہے اور زرمبادلہ بھیجنے کا ایک اہم ذریعہ ہے، جہاں ایک بڑی پاکستانی برادری مقیم ہے جو وہاں کام کر رہی ہے۔

پی آئی ڈی کے مطابق، وزیر مملکت برائے خزانہ و ریلوے بلال اظہر کیانی نے ابو ظہبی میں یو اے ای کے وزیر برائے توانائی و انفرااسٹرکچر سہیل محمد المزروعی سے ملاقات کی، جہاں ’ پاکستان کے ریلوے نیٹ ورک کو اپ گریڈ کرنے، تجارت کو فروغ دینے، رابطہ بڑھانے اور پائیدار اقتصادی ترقی کی حمایت کرنے میں تعاون کو مزید مضبوط بنانے کے مواقع’ پر بات چیت ہوئی۔

بیان میں مزید کہا گیا کہ وزراء نے دونوں ممالک کے درمیان ’ مضبوط برادرانہ تعلقات کی تجدید کی اور باہمی خوشحالی کو آگے بڑھانے اور ماحول دوست ٹرانسپورٹ کے حل کو فروغ دینے کے عزم کا اظہار کیا۔’

یہ ملاقات گلوبل ریل انفرا اسٹرکچر کانفرنس و نمائش کے موقع پر ہوئی، جو 30 ستمبر سے 2 اکتوبر تک منعقد ہوئی۔ اس کانفرنس میں دنیا بھر سے وزرائے ٹرانسپورٹ، پالیسی ساز اور صنعت کے رہنما شریک ہوئے تاکہ ریل اور انفراسٹرکچر کے مستقبل کو تشکیل دیا جا سکے۔

ایک روز قبل، وزیر کیانی نے ایک اعلیٰ سطحی وزارتی پینل ڈسکشن میں حصہ لیا جس کا موضوع تھا: ’ مربوط اقوام کی تعمیر: پائیدار ترقی میں ٹرانسپورٹ اور انفراسٹرکچر کا کردار’ ۔ اس موقع پر انہوں نے زور دیا کہ جدید ٹرانسپورٹ انفرا اسٹرکچر پائیدار اقتصادی خوشحالی میں مرکزی حیثیت رکھتا ہے۔

انہوں نے کہا: ’ یہ بات کہنے کی ضرورت ہی نہیں کہ انفرااسٹرکچر اور اقتصادی خوشحالی ایک دوسرے سے جڑے ہوئے ہیں،’ اور اس بات کو اجاگر کیا کہ مضبوط رابطہ کاری ترقی کے نئے در کھول سکتی ہے، روزگار پیدا کر سکتی ہے اور علاقائی انضمام کو مضبوط کر سکتی ہے۔

پی آئی ڈی کے مطابق انہوں نے پاکستان کی انفرا اسٹرکچر کی کامیابیوں کا حوالہ دیا، جن میں موٹرویز کے وسیع نیٹ ورک کی تعمیر شامل ہے جس نے صوبائی رابطہ کو بہتر بنایا اور ملک بھر میں سامان کی ترسیل کو تیز کیا ہے۔

وزیر نے پاکستان کے ریلوے کے لیے وژن بھی پیش کیا، جس کا مقصد اسے ایک مؤثر، قابل اعتماد اور ماحول دوست قومی ٹرانسپورٹ کی ریڑھ کی ہڈی میں تبدیل کرنا ہے۔

انہوں نے خاص طور پر دو بڑے ریلوے کاریڈورز — ایم ایل-1 اور ایم ایل-3 — کی اپ گریڈیشن پر زور دیا، جو علاقائی تجارت اور رابطہ بڑھانے کے لیے نہایت اہم ہیں اور پاکستان کے ریلوے نیٹ ورک کو بین الاقوامی معیار سے ہم آہنگ کریں گے۔

مشہور خبریں۔

کویت کا خواتین کو فوج میں بھرتی کرنے کا منصوبہ

?️ 12 اکتوبر 2021سچ خبریں:میڈیا ذرائع نے اطلاع دی ہے کہ کویتی فوج میں فوجی

ملک بھر میں جشن عید میلاد النبیؐ انتہائی عقیدت واحترام سے منایا جا رہا ہے

?️ 19 اکتوبر 2021اسلام آباد(سچ خبریں) ملک بھر میں آج جشن عید میلاد النبیﷺ انتہائی

فلسطینیوں کا قتلِ عام، پوری انسانیت کے خلاف جنگ ہے:صدر ونزوئیلا 

?️ 16 جولائی 2025 سچ خبریں:صدر ونزوئیلا نیکولس مادورو نے غزہ میں اسرائیلی جارحیت کو

ہم پوتن اور زیلنسکی کے درمیان ملاقات کا بندوبست کرنے کے لیے تیار ہیں: اردوغان

?️ 31 مارچ 2022سچ خبریں:    ترکی کے صدر رجب طیب اردوغان نے آج روسی

فرانس میں طلبہ کے احتجاج کی نئی لہر، تقریباً 200 اسکول بند

?️ 13 اکتوبر 2026سچ خبریں:فرانس میں تعلیمی بجٹ میں کمی اور تعلیمی سہولیات کے خلاف

فرانس کا ریکارڈ توڑ فوجی بجٹ

?️ 14 جولائی 2023سچ خبریں: فرانسیسی پارلیمنٹ نے ایک بل کی منظوری دے کر اس

روزانہ 3 لاکھ سے زائد ویکسین لگائی جارہی ہیں: اسد عمر

?️ 9 جون 2021اسلام آباد (سچ خبریں) این سی او سی کے سربراہ اور وفاقی

عمران خان نے اپنے محسن جنرل باجوہ کو بھی گالیاں دیں، خواجہ آصف

?️ 11 دسمبر 2022سیالکوٹ: (سچ خبریں) وزیر دفاع خواجہ آصف نے عمران خان پر تنقید

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے