القسام کی رفح بریگیڈ کے کمانڈر کی شہادت کی تصدیق

?️ 15 نومبر 2026

سچ خبریں:عزالدین القسام بریگیڈز نے اعلان کیا ہے کہ رفح بریگیڈ کے کمانڈر سمیر محمود ابو یونس صیہونی حملے میں شہید ہو گئے۔ حماس نے بھی ان کی شہادت کی تصدیق کرتے ہوئے خراجِ عقیدت پیش کیا ہے۔

المسیرہ ٹی وی کے مطابق، عزالدین القسام بریگیڈز نے اعلان کیا ہے کہ اس کے عمومی عسکری کونسل کے رکن اور رفح بریگیڈ کے کمانڈر سمیر محمود ابو یونس، جنہیں ابومحمود کے نام سے بھی جانا جاتا تھا، ہفتے کی شام صیہونی حکومت کی ٹارگٹ کلنگ کی کارروائی میں شہید ہو گئے۔

القسام بریگیڈز نے اپنے بیان میں کہا کہ ابو محمود نے متعدد خصوصی کارروائیوں اور صیہونی فوج کی دراندازیوں کا مقابلہ کرنے میں حصہ لیا تھا۔ وہ انتفاضۂ اقصیٰ کے دوران بھی تحریک کے فعال کمانڈروں میں شمار ہوتے تھے۔

بیان کے مطابق، ابو محمود ان اہم کمانڈروں میں شامل تھے جنہوں نے طوفان الاقصیٰ آپریشن کی منصوبہ بندی اور نگرانی میں حصہ لیا تھا۔

دریں اثنا، فلسطین کی اسلامی مزاحمتی تحریک حماس نے بھی ایک بیان جاری کرکے رفح بریگیڈ کے کمانڈر کی شہادت کی تصدیق کی اور ان کی شہادت پر تعزیت پیش کی۔

حماس نے بتایا کہ ابو محمود جنوبی غزہ کی پٹی میں خان یونس کے علاقے المواصی پر صیہونی فضائی حملے کے نتیجے میں شہید ہوئے۔