سعودی حکام کی انسانی حقوق کے کارکنوں کے خلاف انتقامی کاروائی

🗓️ 2 مارچ 2022

سچ خبریں:سعودی حکام انسانی حقوق کی تنظیموں کے کارکن، شاہی خاندان کے خلاف بولنے والے اور متعدد شخصیات پر ملک سے باہر جانے پر پابندی عائد کرکے ان سے انتقام لے رہے ہیں۔
آزادانہ نقل و حرکت اور سفر ایک فطری انسانی حق ہے جس کی قدر صرف وہی لوگ کرتے ہیں جو اس سے محروم ہیں، جب کسی کو کسی جگہ سے نکلنے سے روکا جاتا ہے تو یہ اس بات کی طرف اشارہ ہے کہ اس جگہ پر اس کا ٹھہرنا ایک قسم کی سزا ہےیا اس بات کا خدشہ ہے کہ یہ شخص کوئی ایسی بات کہے جسے ملک ظاہر نہیں کرنا چاہتا۔

محمد بن سلمان کے دور میں سعودی عرب میں یہی جمود ہے جس نے مملکت کو دنیا کی سب سے بڑی جیل بنا دیا جبکہ یہ حیرت کی بات نہیں ہے کہ سفری پابندی کی اصطلاح سعودی عرب جیسے ملک میں عام ہے جو اس قسم کی سزا کو بلا امتیاز اور اجتماعی طور پر استعمال کرتا ہے، خصوصی ذرائع نے انکشاف کیا ہے کہ اس ملک میں سفر پر پابندی عائد شہریوں کی تعداد 70 ہزار سے تجاوز کر گئی ہے جن میں آل سعود خاندان کے ارکان اور ان کے قریبی لوگوں کے علاوہ زیر حراست افراد، کارکنان اور مخالفین کے پورے خاندان شامل ہیں۔

واضح رہے کہ جن لوگوں کو سفر کرنے سے روکا جاتا ہے وہ عام طور پر جب تک وہ ہوائی اڈے یا زمینی بندرگاہوں پر نہ جائیں تک تب انھیں نہیں معلوم ہوتا کہ ان پر سفری پابندی عائد ہے،وہاں پہنچ کر انہیں اطلاع دی جاتی ہے کہ انہیں ریاستی سکیورٹی کے حکم سے سفر کرنے سے منع کیا گیا ہے،تاہم انہیں پابندی کی وجوہات کی وضاحت کرنے والا کوئی زمینی یا عدالتی حکم نہیں دیا جاتا ہے۔

سفری پابندیاں محمد بن سلمان کے دور کی پیداوار نہیں ہیں، یہ قانون ماضی میں بہت سے کارکنوں اور انسانی حقوق کے محافظوں پر بلا امتیاز مسلط کیا جاچکا ہے،لیکن ولی عہد اس ٹول کو زیادہ من مانی اور قانونی، اخلاقی حتیٰ کہ انسانی جواز کے بغیر استعمال کرتے ہیں، سعودی تاریخ میں ایک بے مثال طریقے سے، محمد بن سلمان نے اپنے کزن، رشتہ داروں اور ریاست کے قریبی لوگوں پر دباؤ ڈالنے کے لیے یہ طریقہ استعمال کیا جس سے واضح طور پر ظاہر ہوتا ہے کہ وہ تمام محاذوں پر ہسٹیریا کی حد تک پہنچ چکے ہیں۔