حماس نے صیہونیوں کی نفسیاتی جنگ کو کیسے ناکام بنایا؟

?️ 17 اکتوبر 2023

سچ خبریں: فلسطینی مجاہدین کی شبیہ کو مسخ کرنے کے لیے قابضین کی نفسیاتی جنگ اور اوچھی کارروائیوں کے تسلسل میں حماس نے صہیونیوں کے جھوٹ کو بے نقاب کرنے کے مقصد سے ایک زخمی اسرائیلی فوجی خاتون کی دیکھ بھال کرنے والے مجاہدین کی ویڈیو جاری کی۔

یہ بھی پڑھیں: صیہونی فلسطینیوں کے خلاف نفسیاتی جنگ کا سہارہ کیوں لے رہے ہیں؟

الجزیرہ چینل کی رپورٹ کے مطابق عزالدین قسام بٹالین کی فورسز نے زخمی صہیونی فوجی خاتون کی حماس فورسز کے طبی عملے کے ہاتھوں کے علاج کی ویڈیو جاری کی ہے، جسے طوفان الاقصیٰ کے پہلے دن حملے کے دوران پکڑا گیا تھا۔

یاد رہے کہ اس طرح سے فلسطینی مزاحمت کاروں نے ایک بار پھر صیہونیوں کی میڈیا فریب کاریوں کا چہرہ بے نقاب کر دیا۔

حماس کی جانب سے جاری کی گئی ویڈیو میں شہید عزالدین قسام بریگیڈز نے ایک خاتون اسرائیلی فوجی قیدی کی مکمل طبی امداد کی ویڈیو نشر کی۔

اس اسیر نے اپنا تعارف میا شمکے طور پر کرایا، جس کی عمر 21 سال ہے اور طوفان الاقصیٰ آپریشن کے دوران زخمی ہونے کے بعد اس نے اپنے علاج کے لیے قسام فورسز کی کوششوں کے بارے میں بات کی ہے۔

اس اسرائیلی قیدی کا مزید کہنا ہے کہ اس کی غزہ میں 3 گھنٹے کی سرجری ہوئی اور آج وہ بالکل ٹھیک ہے۔

وہ صہیونی کابینہ سے مطالبہ کرتی ہے کہ وہ ان کی اور اسرائیلی قیدیوں کی رہائی کے لیے کام کرے۔

مزید پڑھیں: صہیونی فوج پر طوفان الاقصی کے نفسیاتی اثرات

غزہ میں قید خاتون فوجی میا شیم کی والدہ نے قسام کی ویڈیو جاری ہونے کے بعد صیہونی حکومت کی کابینہ سے کہا ہے کہ وہ ان کی بیٹی کی رہائی کے لیے فوری طور پر کام کرے۔